నిత్యం స్టాక్ మార్కెట్లో ట్రేడింగ్ చేసేవారు, ఇన్వెస్టర్లు అనేక రకాల కొత్త కొత్త పదాలను తెలుసుకోవాల్సి ఉంటుంది. మనం మార్కెట్ కు సంబంధించిన పేపర్లు చదివేటప్పడు, ఎక్కడైనా కంపెనీ రిజల్ట్స్ చూసేటప్పడు, ప్రాఫిట్ లాస్ స్టేట్మెంట్లు చదివేటప్పడు అలాంటి పదాలే మనకు తారసపడుతుంటాయి. వాటిని ముందుగానే మనం తెలుసుకుంటే కానీ ఎందులో ఇన్వెస్ట్ చేయాలో మనకు అర్థం కాదు. అందులో కొన్ని ముఖ్యమైన పదాలను మనం ఓ సారి చూద్దాం.
what is FACE VALUE
ఫేస్ వాల్యూ అంటే ఒరిజనల్ వాల్యూ అని అర్థం. ఒక కంపెనీ మొదటిసారిగా స్టాక్ మార్కెట్ లో ఎంటర్ అవుతున్నప్పుడు ఒక షేర్ ఒరిజనల్ ప్రైస్ ఎంత అని నిర్ణయిస్తుంది. దానిని ఫేస్ వాల్యూ అంటారు. అలాగే ఇష్యూ ప్రైస్ ని కూడా తెలుపుతుంది. అంటే ఫేస్ వాల్యూకి కొంత ప్రీనియం కలిపి ఇష్యూ ప్రైస్ ని నిర్ణయిస్తుంది.
స్టాక్ మార్కెట్లో షేర్ వాల్యూ అనేది ఆ కంపెనీ పెర్ఫామెన్స్ బట్టి సప్లై, డిమాండ్ బట్టి మారుతూ ఉంటుంది. కాని ఫేస్ వాల్యూ మాత్రం మారదు. కాకపోతే కంపెనీ అనేది ఎప్పుడైనా షేర్ ని స్ప్లిట్ చేస్తే అప్పుడు ఫేస్ వాల్యూ మారుతుంది. ఒక కంపెనీ ఈ ఫేస్ వాల్యూ ఆధారంగా చేసుకుని స్టాక్ స్ప్లిట్ , డివిడెండ్ ని ప్రకటిస్తుంది.
SQUARE OFF
మార్కెట్లో ట్రేడింగ్ చేసే వారికి బాగా తెలిసిన పదం ఇది. మనం తీసుకున్న ఆర్డర్ని అమ్మేయడం, లేదా ముగించడం. స్క్వేర్ ఆఫ్ చేస్తే మనం తీసుకున్న ట్రేడ్ అప్పటితో క్లోజ్ అయినట్టు అర్థం.
ఇంట్రాడే చేసే వారు సాయంత్రం 3.30 నిముషాల లోపలే ఆ రోజు తీసుకున్న ట్రేడ్ని స్క్వేర్ ఆఫ్ చేసేయాలి. లేదంటే సిస్టం దనంతట అదే ఆ పొజిషన్ ని స్క్వేర్ ఆఫ్ చేసేస్తుంది.
స్క్వేర్ ఆఫ్ అంటే మన దగ్గర ఉన్న పొజిషన్స్ ని క్లోజ్ చేయడం.
ట్రేడింగ్ చేసేటప్పుడు మనం షేర్లను కొనడం లేదా అమ్మడం చేస్తాం. ఒకవేళ ముందు కొన్నట్లయితే చివరిలో అమ్మడం అవుతుంది. అదే మొదటిలో షేర్లను అమ్మితే చివరిలో కొనడం అవుతుంది.
మనం మొదట్లో ప్రైస్ చేసిన ఆర్డర్ అది అమ్మడం కాని లేదా కొనడం గాని ఏదైనా సరే తర్వాత దానికి రివర్స్ ట్రాన్జక్షన్ చేయడం ద్వారా అప్పటివరకు మీ దగ్గర ఉన్న ఓపెన్ పొజిషన్ క్లోజ్ చేయడాన్ని స్క్వేర్ ఆఫ్ అంటారు.
what is small cap in stock market
ఒక కంపెనీ మార్కెట్ క్యాపిటలైజేషన్ బట్టి కంపెనీలను మూడు కేటగిరీలుగా విభజిస్తాం. మనం ఇన్వెస్ట్ చేసేముందు ఆ కంపెనీ ఏ కేటగిరీకి చెందుతుందో తెలుసుకుని, అప్పుడు మనం పెట్టుబడి నిర్ణయం తీసుకోవాలి. వీటిలో మన రిస్క్ స్థాయిని చూసుకుని పెట్టుబడులపై ఆలోచించుకోవాలి.
మార్కెట్ క్యాపిటలైజేషన్ అంటే ఒక కంపెనీ షేర్ ప్రైస్ ను ఆ కంపెనీ మొత్తం షేర్లతో గుణిస్తే ఆ కంపెనీ మార్కెట్ క్యాపిటలైజేషన్ వస్తుంది.
కంపెనీల్లో మూడు రకాలు ఉంటాయి. స్మాల్, మిడ్, లార్జ్ కంపెనీలుగా వాటిని పిలుస్తాం.స్మాల్ క్యాప్ కంపెనీలు:
ఏ కంపెనీ మార్కెట్ క్యాపిటలైజేషన్ తక్కువగా అంటే సుమారుగా 5,000 కోట్ల కన్నా తక్కువగా ఉంటుందో అటువంటి కంపెనీలు ఈ స్మాల్ క్యాప్ కంపెనీలుగా పరిగణిస్తారు. స్టార్ట్ అప్ గా మొదలై డెవలప్మెంట్ స్టేజిలో ఉండే కంపెనీలు ఈ కేటగిరిలో ఉంటాయి.
what are mid cap companies మిడ్ క్యాప్ కంపెనీలు
ఏ కంపెనీ మార్కెట్ క్యాపిటలైజేషన్ 5,000కోట్ల నుంచి 20,000 కోట్ల మధ్యలో ఉంటుందో వాటిని మిడ్ క్యాప్ కంపెనీలు అంటారు. వీటిలో కొన్ని స్మాల్ క్యాప్ కంపెనీలుగా మొదలై మిడ్ క్యాప్ స్థాయి వరకు చేరుకుంటాయి. అంతేకాదు ఈ మిడ్ క్యాప్ కంపెనీలకు భవిష్యత్తులో అబివృద్ధి చెందడానికి మంచి అవకాశం ఉంటుంది.
what are large cap companies
లార్జ్ క్యాప్ కంపెనీలు
ఏ కంపెనీ మార్కెట్ క్యాపిటలైజేషన్ అయితే 20,000 కోట్ల కన్నా ఎక్కువగా ఉంటుందో వాటిని లార్జ్ క్యాప్ కంపెనీలు అంటారు. రిలియన్స్, ఇన్ఫోసిస్, టాటా ఈ కంపెనీలకు ఆయా రంగాలలో మంచి పేరు ఉంటుంది. ఇవి ఏళ్ల తరబడి మార్కెట్ లో స్థిరబడి చాలా అభివృద్ధి చెంది ఇన్వెస్టర్లకు మంచి లాభాలను ఇచ్చినవే. ఇలాంటి కంపెనీలలో మనం ఇన్వెస్ట్ చేస్తే రిస్క్ తక్కువగా ఉంటుంది.
