secrets of profits in stock market
స్టాక్ మార్కెట్‌లో లాభాలు గ‌డించ‌డం చాలా క‌ష్ట‌మైన ప‌ని. ఎందుకంటే మ‌న‌కు తెలిసిన వాళ్లంతా మార్కెట్‌లో భారీగా న‌ష్ట‌పోయిన వారే ఉంటారు క‌నుక అంద‌రికీ మార్కెట్ అంటేనే భ‌యం. అస్స‌లు న‌మ్మ‌కం కూడా ఉండ‌దు. మోస‌పూరిత‌మైన జూదం కంటే ఘోర‌మైన‌దిగా మార్కెట్‌ను భావిస్తుంటారు. అటువంటి మైండ్‌సెట్ ఉన్న‌వారు ఎప్ప‌టికీ మార్కెట్‌నుంచి లాభాలు తీసుకోలేరు. మార్కెట్ అనేది ఎంతో అవ‌కాశ‌మున్న ఆదాయ మార్గం. పూర్తి అవ‌గాహ‌న, క్ర‌మ‌శిక్ష‌ణ, నిరంత‌రం అధ్య‌యనం, స్థిర‌త్వం అనేది ఉంటే ఎవ్వ‌రికైనా స్టాక్ మార్కెట్ సిరుల మార్కెట్టే. ఇక్క‌డ ప్ర‌ధాన‌మైన‌ది మాన‌సిక దృఢ‌త్వం.
what is the success of warren buffet
ప్ర‌ముఖ ఇన్వెస్ట‌ర్ వారెన్‌బ‌ఫెట్ గురించి తెలియ‌ని వారెవ‌రూ ఉండ‌రు. ఆయ‌న అనుస‌రించిన మార్కెట్ స్ట్రేట‌జీల‌న్నీ చాలా సింపుల్‌గా క‌నిపిస్తాయి కానీ ప్ర‌త్యేక‌మైన‌వి. సుమారు 50 సంవ‌త్స‌రాల‌పైబ‌డి ట్రేడింగ్‌లో అనుభ‌వం ఉన్న బఫెట్ కొన్ని చిట్కాలు పాటిస్తారు. వాటిలో కొన్నింటిని ఇక్క‌డ తెలుసుకునే ప్ర‌య‌త్నం చేద్దాం.
* కంపెనీ బిజినెస్ మోడ‌ల్‌, వ్యాపార సామ‌ర్థ్యం, భవిష్య‌త్తులో పెరుగుద‌ల అవ‌కాశం ఇవన్నీ చూసే పెట్టుబ‌డి నిర్ణ‌యం తీసుకోవాలి. మ‌న‌కు బాగా అర్థ‌మైన కంపెనీల‌నే ఎంచుకోవాలి. తెలియ‌ని కంపెనీల‌లో ఇన్వెస్ట్ చేస్తే కంగారు ప‌డాల్సి ఉంటుంది. పెట్టుబ‌డుల‌లోనూ ప‌రిధిని దాట‌కూడ‌దు. ఆ సంబంధిత రంగంలోని కంపెనీకి ఎంత శాతం కేటాయించాలో ముందుగానే నిర్ణ‌యించుకుని ఆ విధంగానే అమ‌లుచేయాలి.
* స్టాక్ మార్కెట్‌లో ఊగిస‌లాట స‌హ‌జం. మ‌న పోర్టిఫోలియోలోని షేరు ధ‌ర అమాంతం త‌గ్గిపోవ‌చ్చు. అప్పుడు కంగారు ప‌డి వెన‌క్కి తీసేసుకుంటాం. ఇదే పెద్ద పొర‌పాటవుతుంది. దాన్ని ఆలాగే ఉంచి ఆ స్టాక్ భ‌విష్య‌త్తుపై న‌మ్మ‌కం ఉంచిన‌ప్పుడే లాభార్జ‌న సాధ్య‌మ‌వుతుంది. అందుకే వేచిచూడ‌డం, స్టాక్‌ల ప‌నితీరును స‌మీక్షించుకోవ‌డం చాలా అవ‌స‌రం.
find out the discount stocks
* కంపెనీ విలువ వాస్త‌వం కంటే త‌క్కువ‌గా ఉంటే కొనేందుకు ప్ర‌య‌త్నించాలి. డిస్కౌంట్‌లో దొరికే షేర్ల‌పైనే ఆస‌క్తి చూపి ఆ కంపెనీ భ‌విష్య‌త్తును అంచ‌నా వేసి అందులోనే పెట్టుబ‌డి పెడ‌తారు బఫెట్. అలాంటి కంపెనీలు పెరిగి లాభాల‌ను అందిస్తాయి. బాగా ప‌డిన కంపెనీలైనా ఫండ‌మెంటల్‌గా బ‌లంగా ఉంటే జీవిత‌కాల క‌నిష్టం వ‌ద్ద‌నైనా అందుకోవ‌చ్చు.
* ఓపిక.. ఓర్పుగా లేకుంటే ఏ ఫ‌లితాన్ని మ‌నం పొంద‌లేం. దీర్ఘ‌కాలం ఇన్వెస్ట్ చేసిన‌ప్పుడు ఆ కంపెనీ ఎదుగుద‌ల‌ను ప‌రిశీలించే నిర్ణ‌యం తీసుకుంటాం. కానీ పూర్తిగా లాభాల‌ను ఇచ్చేదాక ఆగ‌లేక స‌గంలోనే కొంత లాభం వ‌చ్చిన త‌రువాత ఆ షేర్ల‌ను విక్ర‌యించేస్తాం. లేదా షేర్లు న‌ష్ట‌పోయినా కంగారుప‌డి అమ్మేస్తాం. దీని వ‌ల్ల మ‌నం ఎప్ప‌టికీ పూర్తి స్థాయి సంప‌ద‌ను క్రియేట్ చేయ‌లేం. కానీ బఫెట్ ఈ విష‌యంలో చాలా ఓపిగ్గా ఎదురుచూస్తారు..
