ఒక రాష్ట్ర అభివృద్ధిని అంచనా వేయాలంటే అక్కడి రహదారులు, పోర్టులు, విమానాశ్రయాలు, పారిశ్రామిక మౌలిక వసతులు, డిజిటల్ కనెక్టివిటీ వంటి అంశాలే ప్రధాన ప్రమాణాలుగా పరిగణిస్తారు. పెట్టుబడులు రావాలన్నా.. పరిశ్రమలు స్థాపించాలన్నా.. ఉపాధి అవకాశాలు పెరగాలన్నా.. ముందుగా బలమైన మౌలిక సదుపాయాలు అవసరం. ఈ అంశాన్ని దృష్టిలో ఉంచుకుని ఆంధ్రప్రదేశ్ ప్రభుత్వం గత 20 నెలలుగా మౌలిక వసతుల కల్పనపై (A New Era of Infrastructure) ప్రత్యేక దృష్టి సారిస్తోంది. రోడ్లు, పోర్టులు, విమానాశ్రయాలు, జలరవాణా, డిజిటల్ సేవలు, డ్రోన్ టెక్నాలజీ, లాజిస్టిక్స్, రాజధాని అమరావతి అభివృద్ధి వంటి రంగాల్లో భారీ ప్రాజెక్టులను ఒకేసారి ముందుకు తీసుకెళ్తోంది. రూ.2.03 లక్షల కోట్లకు పైగా విలువైన ప్రాజెక్టులు అమల్లో ఉండటం రాష్ట్ర అభివృద్ధి ప్రాధాన్యతను తెలియజేస్తోంది.
పెట్టుబడులకు అనుకూల వాతావరణం.. Investor-Friendly Ecosystem
రాష్ట్రానికి పరిశ్రమలు, పెట్టుబడులు (A New Era of Infrastructure)తీసుకురావాలంటే వేగవంతమైన అనుమతులు, పారదర్శక పాలన, మెరుగైన మౌలిక వసతులు తప్పనిసరి. ఈ దిశగా ప్రభుత్వం ‘స్పీడ్ ఆఫ్ డూయింగ్ బిజినెస్’ విధానాన్ని అమలు చేస్తోంది. పరిశ్రమలకు అవసరమైన అనుమతులను సింగిల్ విండో విధానంలో వేగంగా అందించడం, భూ కేటాయింపులో పారదర్శకత, నూతన పారిశ్రామిక విధానాలు, మౌలిక సదుపాయాల కల్పన వంటి చర్యలతో పెట్టుబడిదారుల్లో విశ్వాసం పెరుగుతోందని ప్రభుత్వం చెబుతోంది. అంతర్జాతీయ సంస్థలు కూడా రాష్ట్రంలో పెట్టుబడులపై ఆసక్తి చూపుతున్నాయి.
పోర్టులే అభివృద్ధికి ద్వారాలు.. Ports to Drive Economic Growth
సుదీర్ఘ తీరప్రాంతం కలిగిన ఆంధ్రప్రదేశ్కు(A New Era of Infrastructure) సముద్ర రవాణా కీలక బలం. ఈ అవకాశాన్ని వినియోగించుకునేందుకు రాష్ట్ర ప్రభుత్వం రామాయపట్నం, మచిలీపట్నం, మూలపేట, కాకినాడ గేట్వే పోర్టుల అభివృద్ధిని వేగవంతం చేసింది. వేల కోట్ల రూపాయల వ్యయంతో బెర్తులు, బ్రేక్వాటర్లు, డ్రెడ్జింగ్, కార్గో సదుపాయాల నిర్మాణం కొనసాగుతోంది. రామాయపట్నం పోర్టులో దాదాపు 78 శాతం పనులు పూర్తయ్యాయి. మచిలీపట్నం పోర్టు కూడా తుది దశలోకి చేరుకుంది. మూలపేట పోర్టు నిర్మాణం వేగంగా సాగుతుండగా, కాకినాడ గేట్వే పోర్టు పనులు కూడా నిర్దేశిత ప్రణాళిక ప్రకారం కొనసాగుతున్నాయి. ఈ పోర్టులు పూర్తయితే ఎగుమతులు, దిగుమతులు మరింత పెరగడంతో పాటు పరిశ్రమలకు రవాణా వ్యయం తగ్గే అవకాశం ఉంది. ముఖ్యంగా ఉత్తరాంధ్ర, దక్షిణ కోస్తా జిల్లాలకు ఇవి ఆర్థికాభివృద్ధికి కొత్త అవకాశాలు తీసుకురానున్నాయి.
మత్స్యకారులకు ఆధునిక హార్బర్లు.. Modern Fishing Harbours
సముద్ర తీర ప్రాంతాల్లో వేలాది కుటుంబాలు మత్స్యకారంపై ఆధారపడి జీవిస్తున్నాయి. వారి అవసరాలను దృష్టిలో ఉంచుకుని ప్రభుత్వం (A New Era of Infrastructure)ఆధునిక ఫిషింగ్ హార్బర్ల నిర్మాణాన్ని చేపట్టింది. రూ.1,500 కోట్లకు పైగా వ్యయంతో పలు హార్బర్లు నిర్మాణంలో ఉన్నాయి. నెల్లూరు జిల్లాలోని జువ్వలదిన్నె హార్బర్ దాదాపు పూర్తికాగా, ఉప్పాడ, నిజాంపట్నం, మచిలీపట్నం తదితర ప్రాంతాల్లో నిర్మాణాలు వేగంగా కొనసాగుతున్నాయి. ఆధునిక హార్బర్లు అందుబాటులోకి వస్తే చేపల ఎగుమతులు పెరగడంతో పాటు మత్స్యకారులకు ఆదాయం కూడా పెరిగే అవకాశం ఉంది.
గుంతల రహదారులకు గుడ్బై.. Mission Pothole-Free Roads
ప్రజలు ఎక్కువగా ఎదుర్కొనే సమస్యల్లో దెబ్బతిన్న రహదారులు (A New Era of Infrastructure)ఒకటి. దీనికి పరిష్కారంగా ప్రభుత్వం ‘మిషన్ పాత్ హోల్ ఫ్రీ’ కార్యక్రమాన్ని చేపట్టింది. రూ.861 కోట్లతో ప్రారంభించిన ఈ కార్యక్రమం ద్వారా తొమ్మిది నెలల్లోనే 20 వేల కిలోమీటర్లకు పైగా రహదారులను మరమ్మతు చేశారు. రెండో విడతలో మరో ఆరు వేల కిలోమీటర్ల మేర పనులు కొనసాగుతున్నాయి. అంతేకాదు, కేంద్ర ప్రభుత్వ సహకారంతో రూ.23 వేల కోట్లకు పైగా వ్యయంతో కొత్త జాతీయ రహదారుల నిర్మాణం జరుగుతోంది. బెంగళూరు-కడప-విజయవాడ ఆరు లేన్ల కారిడార్ వంటి ప్రాజెక్టులు రాష్ట్ర రవాణా వ్యవస్థకు కొత్త రూపును ఇవ్వనున్నాయి. మెరుగైన రహదారులు పరిశ్రమలు, వ్యవసాయం, పర్యాటకం, సరకు రవాణా రంగాలకు ఎంతో ఉపయోగపడనున్నాయి.
అమరావతికి మళ్లీ ఊపు.. Amaravati Back on Development Track
రాష్ట్ర రాజధాని అమరావతి అభివృద్ధి పనులు(A New Era of Infrastructure) మళ్లీ వేగం పుంజుకున్నాయి. రహదారులు, ప్రభుత్వ భవనాలు, మౌలిక వసతులు, ఐటీ, విద్యా సంస్థలు, పారిశ్రామిక ప్రాంతాల అభివృద్ధికి ప్రభుత్వం ప్రాధాన్యం ఇస్తోంది. అమరావతిని ఆధునిక సాంకేతిక నగరంగా తీర్చిదిద్దేందుకు క్వాంటమ్ డేటా సెంటర్లు, డిజిటల్ మౌలిక వసతుల ఏర్పాటుకు కూడా చర్యలు కొనసాగుతున్నాయి.
పర్యాటకానికి కొత్త దారులు.. Tourism Infrastructure Expansion
రాష్ట్రంలో పర్యాటక రంగాన్ని బలోపేతం (A New Era of Infrastructure)చేయడానికి కూడా ప్రభుత్వం కొత్త ప్రణాళికలు అమలు చేస్తోంది. ప్రకాశం బ్యారేజ్, గండికోట, శ్రీశైలం, విశాఖపట్నం వంటి ప్రాంతాల్లో పర్యాటక మౌలిక సదుపాయాలను అభివృద్ధి చేస్తున్నారు. వాటర్ ఏరోడ్రోమ్ల ఏర్పాటుతో జలవిమాన సేవలను ప్రారంభించే దిశగా చర్యలు తీసుకుంటున్నారు. దీని ద్వారా దేశీయ, విదేశీ పర్యాటకులను మరింత ఆకర్షించాలన్నది ప్రభుత్వ లక్ష్యం.
లాజిస్టిక్స్ హబ్గా ఏపీ.. Towards a Global Logistics Hub
పోర్టులు, రహదారులు, రైల్వేలు, విమానాశ్రయాలను సమన్వయం చేస్తూ(A New Era of Infrastructure) ఆంధ్రప్రదేశ్ను దేశంలో ప్రముఖ లాజిస్టిక్స్ కేంద్రంగా అభివృద్ధి చేయాలని ప్రభుత్వం లక్ష్యంగా పెట్టుకుంది. కోస్టల్ ల్యాండ్ బ్యాంక్ ఏర్పాటు, పారిశ్రామిక పార్కులు, గిడ్డంగుల నిర్మాణం, రాయలసీమ హార్టికల్చర్ హబ్, సౌత్ కోస్ట్ రైల్వే కార్యకలాపాల విస్తరణ వంటి చర్యలు ఈ లక్ష్యానికి బలాన్నిస్తున్నాయి. సరకు రవాణా వేగవంతమైతే పరిశ్రమలకు పోటీ సామర్థ్యం కూడా పెరుగుతుంది.
భోగాపురం విమానాశ్రయం సిద్ధం.. Bhogapuram Airport Nears Completion
ఉత్తరాంధ్ర అభివృద్ధికి కీలకంగా భావిస్తున్న భోగాపురం అంతర్జాతీయ విమానాశ్రయం (A New Era of Infrastructure)దాదాపు పూర్తయింది. జీఎంఆర్ సంస్థ పీపీపీ విధానంలో నిర్మిస్తున్న ఈ ప్రాజెక్టు ప్రారంభమైతే ఉత్తరాంధ్రకు అంతర్జాతీయ విమాన సదుపాయం అందుబాటులోకి రానుంది. విమానాశ్రయం సమీపంలో ఏరోస్పేస్ హబ్ అభివృద్ధికి కూడా ప్రణాళికలు సిద్ధమయ్యాయి. అమరావతి, శ్రీకాకుళం, కుప్పం, నాగార్జునసాగర్ ప్రాంతాల్లో కొత్త విమానాశ్రయాల ఏర్పాటుపై సాధ్యాసాధ్యాల నివేదికలు సిద్ధమవుతున్నాయి. కర్నూలు విమానాశ్రయంలో ఫ్లైట్ ట్రైనింగ్ సంస్థ ఏర్పాటు చేయడం ద్వారా విమానయాన రంగంలో కొత్త అవకాశాలు ఏర్పడనున్నాయి.
జల రవాణాకు ప్రాధాన్యం.. Boost to Inland Water Transport
రోడ్లు, రైల్వేలతో పాటు జలరవాణాను కూడా అభివృద్ధి చేయాలని (A New Era of Infrastructure)ప్రభుత్వం భావిస్తోంది. విజయవాడ, అమరావతి, విశాఖపట్నంలో వాటర్ మెట్రో ప్రాజెక్టులపై చర్యలు కొనసాగుతున్నాయి. జాతీయ జలమార్గాల పరిధిలో కమ్యూనిటీ జెట్టీల నిర్మాణం, బకింగ్హామ్ కాలువ పునరుద్ధరణ పనులు చేపట్టడం ద్వారా అంతర్గత జలరవాణా అభివృద్ధికి ప్రాధాన్యం ఇస్తున్నారు.
డ్రోన్ సిటీతో సాంకేతిక విప్లవం.. Drone City and Digital Innovation
సాంకేతిక రంగంలోనూ రాష్ట్రం ప్రత్యేక గుర్తింపు సాధించాలని (A New Era of Infrastructure)ప్రభుత్వం ప్రయత్నిస్తోంది. కర్నూలు జిల్లా ఓర్వకల్లులో దేశంలోనే తొలి డ్రోన్ సిటీ అభివృద్ధి పనులు ప్రారంభమయ్యాయి. డ్రోన్ తయారీ, శిక్షణ, పరిశోధన, సేవల రంగాలకు ఇది కేంద్రంగా మారే అవకాశం ఉంది. అమరావతిలో నిర్వహించిన డ్రోన్ సదస్సు కూడా విశేష స్పందన పొందింది. అదే సమయంలో ఏపీ ఫైబర్ నెట్ సేవలను మరింత బలోపేతం చేస్తూ డిజిటల్ కనెక్టివిటీ విస్తరణపై ప్రభుత్వం దృష్టి సారించింది. ప్రభుత్వ సేవలను మరింత పారదర్శకంగా అందించేందుకు డిజిటల్ ప్లాట్ఫారమ్లను విస్తరిస్తోంది.
భూసేకరణకు ప్రత్యేక వ్యవస్థ.. Fast-Track Land Acquisition
పెద్ద ప్రాజెక్టుల అమలులో ప్రధాన అడ్డంకిగా నిలిచే భూసేకరణ (A New Era of Infrastructure)సమస్యల పరిష్కారానికి ప్రత్యేక టాస్క్ ఫోర్స్ను ఏర్పాటు చేశారు. వేల ఎకరాల భూముల సేకరణకు సంబంధించిన సమస్యలను వేగంగా పరిష్కరించే దిశగా చర్యలు కొనసాగుతున్నాయి. రోడ్లు, వంతెనలు, పారిశ్రామిక ప్రాజెక్టులకు అవసరమైన భూముల సేకరణ ప్రక్రియను సరళీకరించేందుకు కొత్త విధానాలను అమలు చేస్తున్నారు.
కొత్త విధానాలతో అభివృద్ధి.. Policy Reforms for Faster Growth
మారిటైమ్ పాలసీ–2026, భూ కేటాయింపు (A New Era of Infrastructure)మార్గదర్శకాలు, సింగిల్ విండో విధానం, కొత్త ప్రొక్యూర్మెంట్ విధానాలు, నానో కాంక్రీట్ రోడ్లు, ప్లాస్టిక్ వ్యర్థాలతో రహదారుల నిర్మాణం వంటి వినూత్న చర్యలతో ప్రభుత్వం మౌలిక వసతుల రంగంలో కొత్త ప్రమాణాలు నెలకొల్పాలని ప్రయత్నిస్తోంది. ఐఐటీ తిరుపతి వంటి సంస్థల సాంకేతిక సహకారంతో నాణ్యమైన నిర్మాణాలకు ప్రాధాన్యం ఇస్తోంది. మొత్తంగా మౌలిక వసతుల అభివృద్ధి ఏ రాష్ట్ర ఆర్థిక పురోగతికైనా ప్రధాన పునాది. రోడ్లు, పోర్టులు, విమానాశ్రయాలు, జలరవాణా, లాజిస్టిక్స్, డిజిటల్ కనెక్టివిటీ, డ్రోన్ టెక్నాలజీ వంటి రంగాల్లో చేపడుతున్న భారీ ప్రాజెక్టులు ఆంధ్రప్రదేశ్ అభివృద్ధికి కొత్త దిశను చూపిస్తున్నాయి. ఈ ప్రాజెక్టులు పూర్తయితే పెట్టుబడులు పెరగడం, పరిశ్రమలు విస్తరించడం, లక్షలాది ఉద్యోగాలు సృష్టించడం, ఎగుమతులు పెరగడం వంటి ప్రయోజనాలు రాష్ట్రానికి లభించే అవకాశం ఉంది. అదే సమయంలో ప్రాజెక్టులు నిర్దేశిత గడువులో పూర్తి కావడం, నాణ్యత ప్రమాణాలు పాటించడం, పర్యావరణ సమతుల్యతను కాపాడడం కూడా అంతే కీలకం. ప్రభుత్వం ప్రకటించిన ప్రణాళికలు సమర్థవంతంగా అమలైతే, మౌలిక వసతుల పరంగా ఆంధ్రప్రదేశ్ దేశంలో అగ్రగామి రాష్ట్రాల్లో ఒకటిగా ఎదిగే అవకాశాలు బలంగా కనిపిస్తున్నాయి.
About the Author
