ఒకప్పుడు సొంత ఇల్లు అంటే జీవితంలో సాధించాల్సిన అతిపెద్ద లక్ష్యంగా భావించేవారు. “ఇల్లు కట్టిన వాడు ఒక జన్మ ధన్యుడయ్యాడు” అనే మాటలు గ్రామాల నుంచి నగరాల వరకు వినిపించేవి. ఇప్పటికీ చాలా కుటుంబాల్లో ఉద్యోగం వచ్చిన వెంటనే పెళ్లి, ఆ తర్వాత సొంత ఇల్లు (House or Plot ) అనే ఆలోచన సహజంగానే ఉంటుంది. అయితే మారుతున్న ఆర్థిక పరిస్థితులు, ఉద్యోగాల్లో పెరుగుతున్న అనిశ్చితి, నగరాల మధ్య మారాల్సిన అవసరాలు, పెరుగుతున్న జీవన వ్యయాలు చూస్తే సొంత ఇల్లు అనే నిర్ణయం ప్రతి ఒక్కరికీ సరైనదేనా అనే ప్రశ్న తలెత్తుతోంది. ఇల్లు కొనడం తప్పు కాదు. కానీ సరైన సమయంలో, సరైన ప్రణాళికతో తీసుకోని నిర్ణయం జీవితాన్ని ఎంతగా ప్రభావితం చేస్తుందో మోహన్ అనే యువకుడి కథ చెబుతోంది. ఈ కథ కేవలం ఒక వ్యక్తి గురించే కాదు. నేటి మధ్యతరగతి కుటుంబాల ఆర్థిక వాస్తవానికి అద్దం పట్టే కథ.
కలల ప్రారంభం.. The Dream Begins
మోహన్ ఒక సాధారణ మధ్యతరగతి కుటుంబానికి చెందిన యువకుడు. ఇంజినీరింగ్ పూర్తి చేసిన తర్వాత క్యాంపస్ ప్లేస్మెంట్ ద్వారా మంచి ఉద్యోగం సంపాదించాడు. ఉద్యోగంలో ప్రతిభ చూపడంతో కొన్నేళ్లలోనే ఆదాయం గణనీయంగా పెరిగింది. వార్షిక వేతనం రూ.40 లక్షల వరకు చేరుకుంది. ఆదాయం పెరగడంతో కుటుంబ సభ్యులు, బంధువులు, స్నేహితుల నుంచి ఒకే సలహా వినిపించింది. “ఇప్పుడు ఇల్లు (House or Plot )కొనకపోతే ఎప్పుడు కొంటావు?” అనే ప్రశ్న రోజూ ఎదురైంది. చివరకు మోహన్ కూడా అదే నిర్ణయం తీసుకున్నాడు. సుమారు రూ.40 లక్షల సొంత డబ్బు పెట్టి, మరో కోటి రూపాయల హౌసింగ్ లోన్ తీసుకుని నగరంలో ఓ అందమైన ఇల్లు కొనుగోలు చేశాడు. గృహప్రవేశం రోజున అందరూ ప్రశంసించారు. జీవితంలో స్థిరపడ్డాడని అభినందించారు. ఆ రోజు వరకు అది విజయానికి ప్రతీకగా కనిపించింది.
ఉద్యోగ అవకాశాలపై ఇల్లు వేసిన అడ్డంకి.. When a House Limits Career Growth
ఇల్లు(House or Plot ) కొనుగోలు చేసిన కొద్ది నెలలకే మోహన్కు మరో నగరంలో మంచి ఉద్యోగ అవకాశం వచ్చింది. కొత్త కంపెనీ అధిక వేతనం, మెరుగైన కెరీర్ అవకాశాలు అందిస్తోంది. అయితే ఇక్కడే సమస్య మొదలైంది. తన కొత్త ఉద్యోగం కోసం మరో నగరానికి వెళ్లాలంటే సొంత ఇల్లు ఖాళీగా ఉంచాలి లేదా అద్దెకు ఇవ్వాలి. నెలకు దాదాపు రూ.90 వేల ఈఎంఐ చెల్లిస్తున్న ఇంటికి అద్దె రూపంలో వచ్చేది కేవలం రూ.25 వేలే. ప్రతి నెలా రూ.65 వేల తేడా తన జేబు నుంచి వెళ్తుందని మోహన్ భావించాడు. పైగా అద్దెదారులు ఇంటిని ఎలా వాడతారో అనే ఆందోళన కూడా వెంటాడింది. దీంతో అతను కెరీర్కు ఉపయోగపడే అవకాశాన్ని వదులుకోవాల్సి వచ్చింది. ఒకప్పుడు తనకు గర్వకారణమైన ఇల్లు, ఇప్పుడు అతని నిర్ణయాలకు అడ్డుగా నిలిచింది.
ఉద్యోగం పోతే… ఈఎంఐ ఆగదు.. EMI Never Takes a Break
ప్రపంచ ఆర్థిక పరిస్థితులు మారుతున్న సమయంలో ఉద్యోగ భద్రత అనేది చాలా సంస్థల్లో తగ్గిపోయింది. మోహన్ కూడా ఒక దశలో ఉద్యోగాన్ని కోల్పోయాడు. జీతం ఆగిపోయింది. కానీ బ్యాంకు ఈఎంఐ మాత్రం ఆగలేదు. ప్రతి నెలా బ్యాంకు ఖాతా నుంచి డబ్బు కట్ అవుతూనే ఉంది. కొత్త ఉద్యోగం దొరకడానికి కొన్ని నెలలు పట్టింది. అప్పటివరకు ఇంటి ఖర్చులు, పిల్లల అవసరాలు, రోజువారీ వ్యయాలు అన్నీ భారంగా మారాయి. అప్పటివరకు తనకు ఆస్తిగా కనిపించిన ఇల్లు, ఇప్పుడు ఆర్థిక ఒత్తిడికి ప్రధాన కారణంగా మారింది. ఉద్యోగం లేకపోవడం కంటే, ఈఎంఐ చెల్లించలేకపోతాననే భయం అతన్ని ఎక్కువగా వేధించింది.
కుటుంబ అవసరాలు మారితే? When Family Priorities Change
కాలంతో పాటు కుటుంబ పరిస్థితులు కూడా మారతాయి. పెళ్లి, పిల్లల చదువులు, ఉద్యోగ మార్పులు వంటి అంశాలు కొత్త అవసరాలను తీసుకొస్తాయి. మోహన్ పెళ్లి తర్వాత భార్యకు మరో నగరంలో ఉద్యోగం వచ్చింది. తర్వాత పిల్లల చదువుల కోసం కూడా వేరే ప్రాంతానికి వెళ్లాల్సిన పరిస్థితి ఏర్పడింది. అయితే అతని సొంత ఇల్లు (House or Plot )మాత్రం ఒకే నగరంలో ఉంది. కుటుంబ అవసరాలు ఒక వైపు, ఇల్లు మరో వైపు నిలిచాయి. ఆస్తి ఉన్నా ఉపయోగించుకోలేని పరిస్థితి ఎదురైంది. జీవితం ముందుకు కదులుతుంటే, ఇల్లు మాత్రం ఒకే చోట నిలిచిపోయింది.
స్వేచ్ఛను తగ్గించే ఈఎంఐలు.. The Cost of Losing Freedom
చాలా మంది ఉద్యోగ జీవితంలో ఒక దశ తర్వాత కొత్త నైపుణ్యాలు నేర్చుకోవాలని, విదేశాల్లో చదవాలని, వ్యాపారం ప్రారంభించాలని లేదా కొంతకాలం విరామం తీసుకోవాలని అనుకుంటారు. మోహన్ కూడా అలాంటి ఆలోచనలు చేశాడు. కానీ ప్రతి నెలా భారీ ఈఎంఐ(House or Plot ) చెల్లించాల్సి ఉండటంతో ఆ నిర్ణయాలను వాయిదా వేశాడు. ఉద్యోగం వదిలే ధైర్యం చేయలేకపోయాడు. రిస్క్ తీసుకునే అవకాశం కోల్పోయాడు. బ్యాంకింగ్ రంగంలో ఒక ప్రసిద్ధ వ్యాఖ్య ఉంది. “హౌసింగ్ లోన్ తీసుకున్న ఉద్యోగి ఉద్యోగం వదిలే అవకాశం చాలా తక్కువ” అని. దీనిలో కొంత నిజం ఉంది. ఎందుకంటే నెలవారీ ఈఎంఐలు వ్యక్తిని ఉద్యోగానికి కట్టిపడేస్తాయి.
ఆస్తి ఉన్నా డబ్బు లేకపోతే? Asset Rich, Cash Poor
ఆర్థిక నిపుణులు తరచుగా చెప్పే విషయం ఏమిటంటే, కేవలం ఆస్తులు ఉండటం మాత్రమే సంపద కాదు. చేతిలో అవసరమైనప్పుడు ఉపయోగించుకునే నగదు, పెట్టుబడులు, అత్యవసర నిధులు కూడా అంతే ముఖ్యం. మోహన్ దగ్గర కోట్ల రూపాయల విలువైన ఇల్లు ఉంది. కానీ అత్యవసర సమయంలో ఉపయోగించుకునే లిక్విడ్ మనీ మాత్రం తక్కువగా ఉంది. పిల్లల చదువులు, వైద్య ఖర్చులు, కుటుంబ అవసరాలు వచ్చినప్పుడు ఇల్లు అమ్మకుండా డబ్బు సమకూర్చుకోవడం కష్టమైంది. అందుకే ఆర్థిక నిపుణులు “ఆస్తి ఉన్నా నగదు లేకపోతే అది పూర్తి ఆర్థిక స్వేచ్ఛ కాదు” అని చెబుతుంటారు.
ముందు భద్రత… తర్వాత ఇల్లు.. Financial Foundation First
ఇల్లు(House or Plot ) కొనడం ముందు కొన్ని ఆర్థిక ఏర్పాట్లు తప్పనిసరిగా ఉండాలని నిపుణులు సూచిస్తున్నారు. అత్యవసర పరిస్థితులకు కనీసం ఆరు నెలల నుంచి ఒక సంవత్సరం వరకు ఖర్చులను భరించే ఎమర్జెన్సీ ఫండ్ ఉండాలి. ఆరోగ్య బీమా, టర్మ్ ఇన్సూరెన్స్, పదవీ విరమణ ప్రణాళిక వంటి అంశాలు కూడా సిద్ధంగా ఉండాలి. వీటిని పక్కనపెట్టి మొత్తం డబ్బు ఇంటిపై ఖర్చు చేస్తే భవిష్యత్తులో ఇబ్బందులు ఎదురయ్యే అవకాశం ఉంటుంది. ప్రత్యేకంగా జీతంలో 30 శాతానికి మించి ఈఎంఐలు ఉంటే ఆర్థిక ఒత్తిడి పెరుగుతుందని ఆర్థిక నిపుణులు హెచ్చరిస్తున్నారు.
రియల్ ఎస్టేట్ వర్సెస్ పెట్టుబడులు.. Real Estate vs Investments
ఇల్లు(House or Plot ) కొనుగోలు చేసే నిర్ణయం తీసుకునే ముందు మరో అంశాన్ని కూడా పరిశీలించాలి. అదే పెట్టుబడుల అవకాశాలు. మోహన్ ఇంటి కోసం పెట్టిన రూ.40 లక్షలను ఇతర ఆర్థిక సాధనాల్లో పెట్టుబడి పెట్టి ఉంటే పరిస్థితి ఎలా ఉండేదో ఊహించవచ్చు. ఉదాహరణకు దీర్ఘకాలిక మ్యూచువల్ ఫండ్లలో సగటున 12 శాతం వార్షిక రాబడి వస్తే, 20 సంవత్సరాల కాలంలో ఆ మొత్తం అనేక రెట్లు పెరిగే అవకాశం ఉంటుంది. అదే సమయంలో రియల్ ఎస్టేట్ ధరలు ఎప్పుడూ ఒకే విధంగా పెరుగుతాయనే హామీ లేదు. కొన్ని ప్రాంతాల్లో సంవత్సరాల తరబడి ధరలు స్థిరంగా ఉండవచ్చు. అందుకే ప్రతి పెట్టుబడిని భావోద్వేగాలతో కాకుండా ఆర్థిక లెక్కలతో చూడాల్సిన అవసరం ఉంది.
నిజమైన సంపద అంటే ఏమిటి? What is True Wealth?
చాలామంది సంపద అంటే భూములు, ఇళ్లు, (House or Plot )బంగారం అని భావిస్తారు. కానీ నిజమైన సంపద అంటే ఎంపిక చేసుకునే స్వేచ్ఛ. ఇష్టమైన ఉద్యోగం చేయగలగడం, అవసరమైతే ఉద్యోగం మార్చగలగడం, కొత్త వ్యాపారం ప్రారంభించగలగడం, పిల్లలకు మంచి విద్య అందించగలగడం, అత్యవసర సమయంలో వైద్యం పొందగలగడం—ఇవన్నీ ఆర్థిక స్వేచ్ఛకు సూచనలు. సొంత ఇల్లు ఉండటం మంచిదే. కానీ అది మన స్వేచ్ఛను తగ్గిస్తే, మన అవకాశాలను కట్టడి చేస్తే ఆ నిర్ణయాన్ని మరోసారి ఆలోచించాల్సి ఉంటుంది. మొత్తంగా ఇల్లు కొనడం జీవితంలో తప్పు నిర్ణయం కాదు. అదే సమయంలో ప్రతి ఒక్కరికీ సరైన మొదటి పెట్టుబడి కూడా కాదు. కెరీర్ ప్రారంభ దశలో ఉన్నవారు, తరచుగా ఉద్యోగ మార్పులు చేసేవారు, ఆర్థికంగా ఇంకా స్థిరపడని వారు పెద్ద హౌసింగ్ లోన్ల విషయంలో జాగ్రత్తగా ఆలోచించాల్సిన అవసరం ఉంది. మోహన్ కథ ఒక వ్యక్తి అనుభవం మాత్రమే కాదు. నేటి మధ్యతరగతి కుటుంబాల వాస్తవ పరిస్థితిని ప్రతిబింబించే ఉదాహరణ. సొంత ఇల్లు అనేది ఆనందానికి నిలయంగా ఉండాలి. కానీ సరైన ప్రణాళిక లేకుండా తీసుకున్న నిర్ణయం అయితే అదే ఇల్లు ఆర్థిక ఒత్తిడికి, అవకాశాల కోల్పోవడానికి, స్వేచ్ఛ తగ్గిపోవడానికి కారణమవుతుంది. అందుకే ఆర్థిక నిపుణులు ఒక ముఖ్యమైన విషయాన్ని గుర్తు చేస్తున్నారు. “ముందు ఆర్థిక బలం… తర్వాత ఆస్తి. ముందుగా స్వేచ్ఛ… తర్వాత స్థిరాస్తి.” ఈ సూత్రాన్ని గుర్తుంచుకుంటే ఇల్లు నిజంగానే జీవితానికి ఆశ్రయంగా మారుతుంది. దరిద్రానికి దగ్గర దద్దారుగా కాదు.
(పైన ఇచ్చిన వివరాలు కేవలం సమాచారం కోసం మత్రమే. ఇందులో ఇన్వెస్ట్ చేసే ముందు మీ ఫైనాన్సియల్ అడ్వైజర్ ను సంప్రదించి నిర్ణయం తీసుకోగలరు)
About the Author
