
can we change bank loan from one bank to another
సొంత ఇళ్లు అనేది అందరి కల. జీవితంలో ఎప్పటికైనా ఒక్క ఇంటిని నిర్మించుకోవాలని అందరూ తాపత్రయ పడుతుంటారు. కానీ అందరికీ అది సాధ్యమయ్యే పని కాదు. అలాంటి వారంతా బ్యాంకులను ఆశ్రయించి రుణం తీసుకుని ఇళ్లు కట్టుకుంటున్నారు. అయితే ప్రస్తుతం బ్యాంకులు ఇంటిరుణాలపై వడ్డీ భారాన్ని బాగా తగ్గించాయి. ఇలాంటి దశలో గతంలో ఎక్కువ వడ్డీకి అప్పు తీసుకున్న వారు తక్కువ వడ్డీ కిందకు మారాలని ఆలోచిస్తుంటారు. లేదా వేరే బ్యాంకులో తక్కువకు రుణం తీసుకోవాలని ప్రయత్నిస్తుంటారు. ఇలాంటి దశలో ఏం చేయాలో తెలుసుకుందాం.
how can we reduce loan interest
బ్యాంకులు, గృహరుణ సంస్థలు ఇప్పుడు 6.40 – 6.60 శాతం వడ్డీకే ఈ అప్పును ఇస్తున్నాయి. ఇది ఎంతోమందిని ఆకర్షిస్తోంది. అందుబాటు వడ్డీకి రుణం లభిస్తున్నప్పటికీ ఇప్పటికే రుణం తీసుకున్న కొందరు అధిక వడ్డీలను చెల్లిస్తున్నారు. అలాంటి వారు తమ రుణాన్ని మరో సంస్థకు బదిలీ చేసుకునేందుకు ప్రయత్నిస్తుంటారు. గృహరుణాన్ని ఒక సంస్థ నుంచి మరో దానికి బదిలీ చేయడం వెనుక ప్రాథమిక లక్ష్యం వడ్డీ ఆదా చేసుకోవడమే.
రుణాన్నిబదిలీ చేసుకునేటప్పుడు పరిశీలన, నిర్వహణ రుసుముల్లాంటివి ఉంటాయి. కొత్త రుణం మాదిరిగానే పత్రాలు సమర్పించాలి. డాక్యుమెంటేషన్ ఛార్జీలు, ఇతర ఖర్చులూ ఉంటాయి. ఇవన్నింటినీ లెక్కించి చూసుకోవాలి. రుణాన్ని బదిలీ చేసుకున్నప్పుడు వచ్చిన ప్రయోజనాలకన్నా ఇవి అధికంగా ఉంటే ఓ సారి ఆలోచించుకుని మీ నిర్ణయం మానుకోవాలి. కొత్త గృహరుణం ఖాతాకు అనుబంధంగా ఓవర్డ్రాఫ్ట్ ఖాతాను ప్రారంభించాలి. రుణగ్రహీత తన దగ్గరున్న మిగులు మొత్తాన్ని ఇందులో జమ చేస్తుండాలి. అవసరమైనప్పుడు ఇందులో నుంచి నగదును వెనక్కి తీసుకోవచ్చు. వడ్డీ రేటును లెక్కించేటప్పుడు ఓవర్ డ్రాప్ట్ ఖాతాలో ఉన్న మొత్తాన్ని మినహాయించి, మిగతా మొత్తానికే వడ్డీ విధిస్తారు. దీనివల్ల దీర్ఘకాలంలో భారం తగ్గుతుంది.
what is the benefit of bank loan change
మీరు రుణం మార్చుకోవాలనుకున్నప్పుడు ఎంత కాలం క్రితం రుణం తీసుకున్నారో పరిశీలించుకోవాలి. గృహరుణం తీసుకున్న కొన్నేళ్ళ తర్వాత బదిలీ చేసుకుంటే పెద్దగా ప్రయోజనం ఉండదు. కాబట్టి, రుణం తీసుకున్న ప్రారంభంలోనే వడ్డీ బాగాన్ని బ్యాంకు లేదా సంస్థ నుంచి తక్కువ వడ్డీ ఉన్న చోటకు మారాలి. రుణం ప్రారంభంలోనే వడ్డీ బాగాన్ని వసూలు చేస్తుంటారు. కాలం గడుస్తున్న కొద్దీ అసలు బాగం తగ్గుతుంది. కొంతకాలం గడిచిన తర్వాత రుణాన్ని మార్చుకుంటే .. అప్పటికే మనం చాలా వడ్డీని చెల్లించి ఉంటాం. కొత్తగా మళ్లీ వడ్డీని చెల్లించాల్సి వస్తుంది. ఇది రుణ గ్రహీతకు ఎంతో భారం. ఇప్పటికే కొనసాగుతున్న రుణం వ్యవధి, కొత్తగా తీసుకుంటున్న రుణ వ్యవధి రెండూ సమానంగా ఉండేలా చూసుకోవాలి. ఉదాహరణకు ఇప్పుడున్న రుణ వ్యవధి 20 ఏళ్ళు. ఇప్పటికే మీరు రెండేళ్లపాటు చెల్లించారనుకుందాం. మిగిలిన 18 ఏళ్ళ వ్యవధినే రుణాన్ని బదిలీ చేసుకునేటప్పుడు పెట్టుకోవాలి. ఈఎంఐ భారాన్ని తగ్గించుకోవాలంటే గడువు పెంచుకోవచ్చు. కానీ, వడ్డీ భారం అందుకు తగ్గట్టుగా ఉంటుందని మర్చిపోవద్దు.