ఈ రోజుల్లో ప్రతి ఒక్కరికీ బ్యాంక్ ఖాతా తప్పనిసరి. చాలా మంది ఒకటికి మించి బ్యాంక్ అకౌంట్లు వాడుతున్నారు. అయితే ఒక ఆర్థిక సంవత్సరంలో క్యాష్ డిపాజిట్లు అనేవి ఆదాయపు శాఖ పన్ను నిబంధనల పరిమితికి మించకూడదు (deposit and withdraw limit in bank account). ఈ నిర్దిష్ట పరిమితి దాటినట్లయితే.. ఆదాయపు శాఖ నుంచి నోటీసులు పొందాల్సి ఉంటుంది. మీరు మీ ఆదాయానికి సంబంధించిన ఆధారాలతో సహా, డిపాజిట్ల గురించి ఆ శాఖకు వివరించాలి. పొదుపు ఖాతా కలిగి ఉన్న వారు కచ్చితంగా కొన్ని విషయాలు తెలుసుకోవాలి. ముఖ్యంగా ఒక ఆర్థిక సంవత్సరంలోనే ఎంత నగదు డిపాజిట్ చేయొచ్చు.. ఎంత నగదు విత్డ్రా చేయొచ్చు వంటి విషయాలపై అవగాహన ఉండాలి.
పొదుపు ఖాతాలో డిపాజిట్
Deposit in Savings Account
– గతంలో ప్రజలు తాము సంపాదించిన డబ్బును ఇళ్లలో ఉంచుకునేవారు. కానీ బ్యాంకుల ప్రవేశంతో తమ అవసరాల కోసం మాత్రమే కొంత మొత్తాన్ని ఇంట్లో ఉంచుకుని మిగిలిన మొత్తాన్ని బ్యాంకు ఖాతాలో జమ చేస్తున్నారు. డిపాజిట్ చేసిన సొమ్మును తమ అవసరాలకు వినియోగించుకుంటున్నారు. మరికొందరు తమ భవిష్యత్తు అవసరాలను దృష్టిలో ఉంచుకుని పొదుపు పథకాల్లో పెట్టుబడి పెడుతున్నారు. ఈ పరిస్థితిలో ఆదాయపు పన్ను శాఖ బ్యాంకు పొదుపు ఖాతాలలో డబ్బు డిపాజిట్ చేయడానికి (deposit and withdraw limit in bank account) సంబంధించి కొన్ని ముఖ్యమైన నోటిఫికేషన్లను విడుదల చేసింది.
– ప్రభుత్వ పథకాలను పొందేందుకు, స్కాలర్షిప్, శాలరీ, ఇతర ఆర్థిక వ్యవహారాల కోసం ఏదో ఒక ప్రభుత్వ/ప్రైవేట్ బ్యాంకులో సేవింగ్స్ అకౌంట్ తప్పనిసరిగా ఉండాలి.
సేవింగ్స్ అకౌంట్లో మీ డబ్బును డిపాజిట్ చేసుకోవడం పూర్తి సురక్షితం. అంతే కాకుండా ఆ డబ్బుపై స్వల్ప వడ్డీని కూడా పొందొచ్చు.
ఏడాదికి రూ.10 లక్షలకు మించకూడదు
Should Not Exceed ₹10 Lakhs in a Year
మీ సేవింగ్స్ ఖాతాలో ఎంత డబ్బునైనా డిపాజిట్ చేయవచ్చు. కానీ రోజుకు రూ. 1 లక్ష వరకు మాత్రమే వెసులుబాటు ఉంటుంది. ఒక ఆర్థిక సంవత్సరంలో రూ. 10 లక్షలకు మించి నగదు డిపాజిట్ చేస్తే.. బ్యాంకులు ఈ విషయాన్ని ఐటీ శాఖ దృష్టికి తీసుకెళ్తాయి.
– నగదు విత్డ్రా పరిమితి కూడా రూ .10 లక్షలు దాట కూడదు. దీని గురించి కూడా ముందే ఐటీ శాఖకు తెలియజేయాలి. మీ బ్యాంకు ఈ విషయాన్ని ఆదాయపు పన్ను శాఖకు వార్షిక సమాచార నివేదిక (AIR) కింద నివేదించాల్సి ఉంటుంది.
– రోజుకు రూ. 50,000 కంటే ఎక్కువ నగదు డిపాజిట్ చే స్తే పాన్ కార్డు అవసరం. ఒకవేళ మీ దగ్గర పాన్ కార్డు లేకపోతే, మీరు ఫారం 60 లేదా 61 సమర్పించాల్సి ఉంటుంది. అన్ని బ్యాంక్ సేవింగ్స్ అకౌంట్లకు ఈ రూల్ వర్తిస్తుంది.
– కరెంటు ఖాతాల సీలింగ్ను ఏడాదికి దాదాపు రూ.50 లక్షలుగా నిర్ణయించారు.
లావాదేవీలపై అనుమానాలుంటే నోటీసులు
Suspicious Transactions May Attract Notices
– ఒక ఆర్థిక సంవత్సరంలో (ఏప్రిల్ 1 నుంచి మార్చి 31 వరకు) నిర్దిష్ట పరిమితి రూ. 10 లక్షలు దాటితే వారి వివరాలు బ్యాంకుకు ఐటీ శాఖ తెలియజేయాలన్న నిబంధన ఉంది. (deposit and withdraw limit in bank account) అప్పుడు ఐటీ డిపార్ట్మెంట్కు మీ లావాదేవీలపై అనుమానులు ఉంటే నోటీసులు పంపిస్తాయి. ఈ సమయంలో మీరు కచ్చితంగా ఆ డబ్బు ఎక్కడి నుంచి వచ్చిందన్న వివరాలు సమర్పించాల్సి వస్తుంది.
ఆదాయ వివరాలు వెల్లడించాలి
Income Details Must Be Disclosed
సేవింగ్స్ బ్యాంక్ అకౌంట్లో పెద్ద మొత్తంలో నగదు డిపాజిట్ చేసేవారు.. అది ఎక్కడి నుంచి వచ్చిందనేందుకు ప్రూఫ్గా ఆదాయ వనరుల వివరాలు వెల్లడించాల్సి ఉంటుంది. ఇక్కడ సంబంధిత పత్రాలు, వారసత్వ పత్రాలు, బ్యాంక్ అకౌంట్ స్టేట్మెంట్స్ వంటివి ఇవ్వాల్సి వస్తుంది. ఈ రూల్ బ్యాంకుల్లో సేవింగ్స్ అకౌంట్లకు మాత్రమే వర్తిస్తుంది. అదే కరెంట్ అకౌంట్, బిజినెస్ అకౌంట్లకు లిమిట్ ఇంకాస్త ఎక్కువగానే ఉంటుంది.
ఒక్కరోజులో రూ.2 లక్షల వరకూ స్వీకరించొచ్చు..
Up to ₹2 Lakhs Can Be Accepted in a Single Day
మరోవైపు.. ఒక వ్యక్తి మరో వ్యక్తి నుంచి ఒక్కరోజులో గరిష్టంగా రూ .2 లక్షల వరకు నగదు స్వీకరించేందుకు ఛాన్స్ ఉంటుంది. రోజులో లేదా ఒక్క ట్రాన్సాక్షన్కు అయినా ఇదే పరిమితి వర్తిస్తుంది. ఇక రోజులో రూ. 2 లక్షలకు మించి ట్రాన్సాక్షన్ కావాలంటే.. బ్యాంక్ అకౌంట్ నుంచి మరో బ్యాంక్ అకౌంట్కు బదిలీ చేసుకోవచ్చని తెలుస్తోంది.
నిబంధనలను ఉల్లంఘిస్తే..
సేవింగ్స్ ఖాతాదారులు ఆదాయపు పన్ను శాఖ నిబంధనలను ఉల్లంఘించి లావాదేవీలు జరిపితే సంబంధిత బ్యాంకులు ఐటీ శాఖకు రిపోర్ట్ చేస్తాయి. దీంతో మనీలాండరింగ్, అక్రమ కార్యకలాపాల కింద ఐటీ శాఖ ఖాతాదారులకు నోటీసులు ఇస్థాయి. బ్యాంకు పొదుపు ఖాతాల ద్వారా తరచుగా చెల్లింపులు చేసే వారు తమ సేవింగ్స్ ఖాతాల్లో పన్ను లేకుండా రోజుకు రూ. 2.5 లక్షల వరకు డిపాజిట్ చేయవచ్చు.
యూపీఐ పేమెంట్స్.. UPI Payments
ప్రస్తుత డిజిటల్ యుగంలో చాలా మంది పేమెంట్స్ చేయడానికి యూపీఐ యాప్స్ వాడుతున్నారు. అయితే యూపీఐ ద్వారా చెల్లింపులు జరిపేటప్పుడు కొన్ని పరిమితులు ఉంటాయి.(deposit and withdraw limit in bank account)
సాధారణంగా, రోజుకు ఒక లక్ష రూపాయల వరకు యూపీఐ ద్వారా చెల్లింపులు చేయవచ్చు. బ్యాంకులను బట్టి, లావాదేవీ రకాలను బట్టి ఈ పరిమితి మారవచ్చు. కొన్ని బ్యాంకులు రోజుకు 25,000 రూపాయల నుండి లక్ష రూపాయల వరకు పరిమితిని కలిగి ఉంటాయి. కొన్ని ప్రత్యేక సందర్భాల్లో, విద్యా రుసుములు లేదా ఆసుపత్రి బిల్లుల వంటి వాటి కోసం, పరిమితిని ఐదు లక్షల రూపాయలకు పెంచవచ్చు. సాధారణంగా, ఈ పరిమితులను మాన్యువల్గా పెంచడం సాధ్యం కాదు. అయితే ఈ యూపీఐ పేమెంట్స్పై కూడా బ్యాంకులు దృష్టి సారిస్తాయి. పరిమితికి మించి మీరు లావాదేవీలు జరిపితే.. ఆ వివరాలను ఐటీ శాఖకు తెలియజేస్తాయి.
క్రెడిట్ కార్డ్ పేమెంట్స్ పై ఐటీ శాఖ చూపు
IT Department’s Focus on Credit Card Payments
క్రెడిట్ కార్డ్ చెల్లింపులపై కూడా ఆదాయపు పన్ను శాఖ నిఘా పెట్టింది. అధిక మొత్తంలో జరిగే లావాదేవీలను గమనించి, పన్ను ఎగవేతను అరికట్టడానికి ప్రయత్నిస్తోంది.
* మీ క్రెడిట్ కార్డ్ ద్వారా మీ కుటుంబ సభ్యులు, స్నేహితులు, బంధువులు ఎవరైనా లావాదేవీలు జరిపినా.. అమెజాన్, ఫ్లిప్కార్ట్ వంటి వాటిల్లో ఏదైనా కొనుగోలు చేసినా.. మీ లావాదేవీ కిందకే అది వస్తుంది. కాబట్టి మీ క్రెడిట్ కార్డ్ చెల్లింపు పరిమితి పెరిగే అవకాశం ఉన్న నేపథ్యంలో ఎవరికీ క్రెడిట్ కార్డ్ ఇవ్వకపోవడం ఉత్తమం.
* ఒక ఆర్థిక సంవత్సరంలో 10 లక్షల రూపాయలు లేదా అంతకంటే ఎక్కువ క్రెడిట్ కార్డ్ ద్వారా లావాదేవీలు జరిపితే ఫారమ్ 61A లో నివేదించాలి.
* రూ. 1 లక్ష కంటే ఎక్కువ క్రెడిట్ కార్డ్ బిల్లులకు నగదు చెల్లింపులు చేసినా కూడా నోటీసు పొందడం తప్పనిసరి.
* ఆదాయపు పన్ను శాఖ క్రెడిట్ కార్డ్ వినియోగదారుల లావాదేవీలను గమనిస్తూ, పన్ను ఎగవేతకు పాల్పడే వారిపై చర్యలు తీసుకుంటుంది.
* ఆదాయపు పన్ను రిటర్న్ ఫైల్ చేసేటప్పుడు, మీ క్రెడిట్ కార్డ్ ఖర్చు మీ ఆదాయానికి అనుగుణంగా ఉండేలా చూసుకోవడం ముఖ్యం.
