డిజిటల్ యుగంలో వినియోగదారులను ఆకర్షించేందుకు కంపెనీలు కొత్త కొత్త వ్యూహాలు అవలంబిస్తున్నాయి. ముఖ్యంగా ఓటీటీ ప్లాట్ఫారాలు, మ్యూజిక్ స్ట్రీమింగ్ యాప్స్, క్లౌడ్ స్టోరేజ్ సేవలు, ఎడ్యుకేషన్ ప్లాట్ఫారాలు, ఫిట్నెస్ యాప్స్, ఏఐ ఆధారిత సేవలు.. ఇలా దాదాపు ప్రతి డిజిటల్ సంస్థ కూడా “30 రోజుల ఫ్రీ ట్రయల్”, “60 రోజుల ఉచిత సభ్యత్వం”, “ముందు వాడండి.. తర్వాత చెల్లించండి” అంటూ వినియోగదారులను ఆకర్షిస్తోంది. ఈ ఆఫర్లు చూస్తే నిజంగానే ఎలాంటి ఖర్చు లేకుండా సేవలు పొందుతున్నామనే భావన కలుగుతుంది. కానీ చాలా సందర్భాల్లో ఈ ఉచిత ట్రయల్ (Free Trial Isn’t Really Free!) వెనుక యూపీఐ ఆటోపే మ్యాండేట్ దాగి ఉంటుంది. ఒకసారి ఆటో డెబిట్కు అనుమతి ఇచ్చాక, ఉచిత కాలం ముగిసిన వెంటనే మీ బ్యాంకు ఖాతా నుంచి డబ్బులు ఆటోమేటిక్గా కట్ అవుతాయి. చాలామంది ఈ విషయాన్ని మరిచిపోవడం లేదా మ్యాండేట్ను ఎలా రద్దు చేయాలో తెలియకపోవడం వల్ల ప్రతి నెలా అవసరం లేని సేవలకు డబ్బులు చెల్లిస్తూ నష్టపోతున్నారు.
ఆటోపే అంటే సౌకర్యమే… కానీ జాగ్రత్త లేకపోతే భారమే.. AutoPay Is Convenient, but Only If You Track It
యూపీఐ ఆటోపే సేవను (Free Trial Isn’t Really Free!)మొదటిసారిగా తీసుకొచ్చినప్పుడు దీని ప్రధాన ఉద్దేశం వినియోగదారులకు సౌకర్యాన్ని కల్పించడమే. ప్రతి నెలా విద్యుత్ బిల్లులు, మొబైల్ రీఛార్జీలు, బీమా ప్రీమియంలు, ఈఎంఐలు, ఓటీటీ సభ్యత్వాలు వంటి చెల్లింపులను మళ్లీ మళ్లీ చేయాల్సిన అవసరం లేకుండా ఒకసారి అనుమతి ఇస్తే చాలు.. నిర్ణీత తేదీకి బ్యాంకు ఖాతా నుంచి డబ్బు ఆటోమేటిక్గా కట్ అవుతుంది. ఇది నిజానికి మంచి సౌకర్యమే అయినప్పటికీ, అదే సదుపాయాన్ని చాలా కంపెనీలు తమ సబ్స్క్రిప్షన్ల కోసం ఉపయోగిస్తున్నాయి. ఫ్రీ ట్రయల్ ప్రారంభించే సమయంలో “కంటిన్యూ” లేదా “అగ్రీ” బటన్పై క్లిక్ చేసిన వెంటనే యూపీఐ ఆటోపే మ్యాండేట్ కూడా యాక్టివేట్ అవుతుంది. ట్రయల్ పూర్తయ్యాక డబ్బు కట్ అవుతున్న విషయం చాలామందికి అప్పుడే తెలుస్తోంది.
ఫ్రీ ట్రయల్ పూర్తయ్యాక మొదలయ్యే అసలు కథ.. The Real Cost Begins After the Trial Ends
ఉచిత ట్రయల్ (Free Trial Isn’t Really Free!)సమయంలో సేవలు బాగున్నాయని భావించి చాలామంది సభ్యత్వం తీసుకుంటారు. అయితే కొద్దిరోజుల తర్వాత ఆ సేవను ఉపయోగించడం మానేస్తారు. కానీ సబ్స్క్రిప్షన్ను రద్దు చేయడం మాత్రం మరిచిపోతారు. నెల రోజుల తర్వాత బ్యాంకు నుంచి డెబిట్ మెసేజ్ వచ్చినప్పుడు మాత్రమే ఆటోపే ఇంకా యాక్టివ్గా ఉందని గుర్తిస్తారు. కొందరు నెలకు రూ.99, రూ.199, రూ.499 వంటి చిన్న మొత్తాలే కాబట్టి పట్టించుకోరు. కానీ ఏడాది చివరికి వేల రూపాయలు ఖర్చయిపోతాయి. అసలు వాడని సేవల కోసం కూడా డబ్బు చెల్లించిన పరిస్థితి ఏర్పడుతుంది.
ఆటోపే ఫెయిల్ అయితే కూడా సమస్యలే.. Failed AutoPay Can Also Create Trouble
చాలామంది బ్యాంకు ఖాతాలో సరిపడా నిల్వ లేకపోతే (Free Trial Isn’t Really Free!)ఆటోపే విఫలమవుతుందని భావిస్తారు. కానీ కొన్ని సందర్భాల్లో ఆటోపే విఫలమైతే బ్యాంకులు అపరాధ రుసుము విధించే అవకాశం ఉంటుంది. ముఖ్యంగా రుణ ఈఎంఐలు, క్రెడిట్ కార్డు బిల్లులు లేదా ఇతర ఆర్థిక సేవలకు సంబంధించిన ఆటో డెబిట్లు విఫలమైతే అదనపు ఛార్జీలు పడవచ్చు. కొన్ని సందర్భాల్లో వరుసగా చెల్లింపులు విఫలమైతే క్రెడిట్ హిస్టరీపై కూడా ప్రభావం పడే అవకాశం ఉందని ఆర్థిక నిపుణులు సూచిస్తున్నారు. అందుకే యూపీఐ ఆటోపే మ్యాండేట్లను ఎప్పటికప్పుడు పరిశీలించడం అవసరం.
మీ మొబైల్ నంబర్పై ఎన్ని మ్యాండేట్లు ఉన్నాయో తెలుసా? Check All Your Active AutoPay Mandates in One Place
నేటి పరిస్థితుల్లో చాలామంది ఒకే ఫోన్లో రెండు లేదా మూడు యూపీఐ యాప్స్ (Free Trial Isn’t Really Free!)ఉపయోగిస్తున్నారు. కొన్నిసార్లు ఫోన్పే ద్వారా ఒక సేవకు, గూగుల్ పే ద్వారా మరో సేవకు, పేటీఎం ద్వారా ఇంకో సేవకు ఆటోపే అనుమతి ఇచ్చి ఉంటారు. కొంతకాలానికి ఏ యాప్లో ఏ మ్యాండేట్ ఉందో కూడా గుర్తుండదు. ఇలాంటి సమస్యకు పరిష్కారంగా నేషనల్ పేమెంట్స్ కార్పొరేషన్ ఆఫ్ ఇండియా (ఎన్పీసీఐ) ప్రత్యేక సదుపాయం కల్పించింది. వినియోగదారులు తమ మొబైల్ నంబర్తో లాగిన్ అయి యూపీఐకు సంబంధించిన అన్ని యాక్టివ్ మ్యాండేట్లను ఒకే చోట చూసుకునే అవకాశం ఉంది. దీంతో ఏ సేవకు ఆటో డెబిట్ అనుమతి ఇచ్చారో, ఏది యాక్టివ్గా ఉందో సులభంగా తెలుసుకోవచ్చు. అవసరమైతే అదే చోట మ్యాండేట్ను తాత్కాలికంగా నిలిపివేయడం లేదా పూర్తిగా రద్దు చేయడం కూడా సాధ్యమవుతుంది. దీంతో అవసరం లేని ఆటో డెబిట్లను ముందుగానే ఆపేయొచ్చు.
యాప్లోనే రద్దు చేసుకునే అవకాశం.. Cancel AutoPay Directly from Your UPI App
యూపీఐ యాప్స్ కూడా(Free Trial Isn’t Really Free!) ఇప్పుడు ఆటోపే మ్యాండేట్లను నిర్వహించేందుకు ప్రత్యేక ఆప్షన్లు అందిస్తున్నాయి. దీంతో వేరే వెబ్సైట్కు వెళ్లాల్సిన అవసరం లేకుండా నేరుగా యాప్లోనే అనుమతులను నిర్వహించవచ్చు. ఫోన్పే వినియోగదారులు తమ ప్రొఫైల్ విభాగంలోకి వెళ్లి పేమెంట్ సెట్టింగ్స్లో ఆటోపే ఎంపికను తెరిచి ప్రస్తుతం యాక్టివ్గా ఉన్న మ్యాండేట్లను చూడవచ్చు. అవసరం లేని సేవను ఎంపిక చేసి రద్దు చేయవచ్చు. పేటీఎం ఉపయోగించే వారు ప్రొఫైల్ మెనూలోని యూపీఐ లేదా పేమెంట్ సెట్టింగ్స్లోకి వెళ్లి ఆటోమేటిక్ పేమెంట్స్ విభాగంలో యాక్టివ్ మ్యాండేట్లను పరిశీలించి వాటిని తొలగించవచ్చు. గూగుల్ పేలో కూడా ప్రొఫైల్ ఐకాన్లోనే ఆటోపే సంబంధిత వివరాలు అందుబాటులో ఉంటాయి. అక్కడ నుంచి అవసరం లేని సబ్స్క్రిప్షన్లను రద్దు చేసుకోవచ్చు. భీమ్ యూపీఐ యాప్ ఉపయోగించే వారు మ్యాండేట్స్ లేదా ఆటోపే విభాగంలోకి వెళ్లి యూపీఐ పిన్ నమోదు చేసి గతంలో ఇచ్చిన ఆటో డెబిట్ అనుమతిని రద్దు చేసుకోవచ్చు.
రద్దు చేసిన తర్వాత కూడా ఒకసారి తనిఖీ చేయండి.. Always Verify After Cancellation
చాలామంది మ్యాండేట్ను (Free Trial Isn’t Really Free!)రద్దు చేసిన వెంటనే పని పూర్తయిందని భావిస్తారు. కానీ రద్దు చేసిన తర్వాత ఆ సేవ నిజంగానే ఇన్యాక్టివ్ అయిందా లేదా అనేది ఒకసారి పరిశీలించడం మంచిది. కొన్ని సేవల్లో ట్రయల్ కాలం ముగిసేలోపు రద్దు చేయాల్సి ఉంటుంది. లేదంటే ఆ నెలకు సంబంధించిన చార్జీ కట్ అయిన తర్వాతే సభ్యత్వం నిలిపివేయబడుతుంది. అందువల్ల ట్రయల్ తీసుకున్న తేదీ, ముగిసే తేదీని కూడా గుర్తుంచుకోవడం అవసరం. అవసరమైతే ఫోన్లో రిమైండర్ పెట్టుకోవడం మంచిది.
ఒక చిన్న నిర్లక్ష్యం… పెద్ద నష్టంగా మారొచ్చు.. A Small Oversight Can Cost You Every Month
డిజిటల్ చెల్లింపులు(Free Trial Isn’t Really Free!) ఎంత వేగంగా పెరుగుతున్నాయో, సబ్స్క్రిప్షన్ ఆధారిత సేవలు కూడా అంతే వేగంగా విస్తరిస్తున్నాయి. ఒకప్పుడు ఏడాదికి ఒకసారి మాత్రమే సభ్యత్వం తీసుకునే సేవలు ఇప్పుడు నెలవారీ చెల్లింపుల విధానంలోకి మారాయి. ఫలితంగా చిన్న చిన్న ఆటో డెబిట్లు కూడా ఏడాది చివరికి పెద్ద మొత్తంగా మారుతున్నాయి. చాలామంది ఉపయోగించని యాప్స్, ఓటీటీలు, క్లౌడ్ సేవలు, ఫిట్నెస్ యాప్స్, గేమింగ్ సేవలకు కూడా తెలియకుండానే నెలల తరబడి డబ్బు చెల్లిస్తున్నారు. కాబట్టి ప్రతి నెలా ఒకసారి అయినా తమ యూపీఐ ఆటోపే మ్యాండేట్లను పరిశీలించడం మంచి అలవాటుగా మార్చుకోవాలని ఆర్థిక నిపుణులు సూచిస్తున్నారు.
అవగాహన ఉంటే అనవసర ఖర్చులకు చెక్.. Stay Alert and Save Your Money
ఫ్రీ ట్రయల్ అంటే పూర్తిగా ఉచితం (Free Trial Isn’t Really Free!)అని భావించడం ఇప్పుడు సరైన ఆలోచన కాదు. చాలా సేవలు ట్రయల్ పేరుతో ముందుగానే ఆటో డెబిట్కు అనుమతి తీసుకుంటున్నాయి. అందువల్ల ఏ యాప్లో అయినా “స్టార్ట్ ఫ్రీ ట్రయల్” బటన్ నొక్కే ముందు దాని నిబంధనలు పూర్తిగా చదవడం, ఆటోపే అనుమతి ఇస్తున్నామా లేదా అనేది గమనించడం అవసరం. ఇప్పటికే అనుమతి ఇచ్చిన వారు ఎప్పటికప్పుడు తమ యూపీఐ మ్యాండేట్లను తనిఖీ చేసి అవసరం లేని వాటిని రద్దు చేసుకుంటే అనవసర ఖర్చులకు అడ్డుకట్ట వేయవచ్చు. డిజిటల్ సౌకర్యాలను తెలివిగా ఉపయోగిస్తేనే అవి నిజంగా మనకు ఉపయోగపడతాయి.
About the Author
