ఇటీవల కాలంలో క్రెడిట్ కార్డు అవసరం గురించి ప్రత్యేకంగా చెప్పనవసరం లేదు. అందరూ అన్ని రకాల క్రయవిక్రయాలకు క్రెడిట్ కార్డులను వాడుతున్నారు. ముందస్తు క్రెడిట్ పొందడమే కాకుండా రివార్డు పాయింట్లు, క్యాష్ బ్యాక్ ఆఫర్లు, ప్రత్యేక డిస్కౌంట్లు .. ఇలా అనేక రకాల బెనిఫిట్లు పొందుతున్నారు. అందుకే ప్రజల్లో క్రెడిట్ కార్డులపై విపరీతమైన ఆదరణ పెరిగింది. ఆన్లైన్, ఆఫ్లైన్ అంటూ ప్రతి చోటా వీటినే వాడుతూ చాలా క్రేజీగా తయారయ్యారు. అంతే కాకుండా సకాలంలో బిల్లులు కట్టడం వల్ల క్రెడిట్ స్కోర్ కూడా పెరుగుతుంది. ఇన్ని రకాల ఉపయోగాలు ఉండడంతో క్రెడిట్ కార్డుల కోసం నేటి తరం యువత ఎగబడుతున్నారు. అయితే ఏవేవో కారణాలతో చాలా మందికి క్రెడిట్ కార్డులను బ్యాంకులు ఇవ్వవు. స్థిరమైన ఆదాయం లేకపోవడం, సిబిల్ స్కోర్ లేకపోవడం వంటివి క్రెడిట్ కార్డు పొందలేకపోవడానికి ప్రధాన కారణం. అయితే అలాంటి వారికి ఒక ప్రత్యేకమైన విధానాన్ని బ్యాంకులు అమల్లోకి తీసుకువచ్చాయి.
ఇక్రెడిట్ కార్డులు లేని వారు ఇకపై టెన్షన్ పడొద్దు. ఈజీగా.. ఎటువంటి రుసుం లేకుండా ఫిక్స్డ్ డిపాజిట్తో క్రెడిట్ కార్డులు పొందొచ్చు. ఎలాంటి డాక్యుమెంట్లు ఇవ్వనసరం లేకుండానే ఈ కార్డును పొందవచ్చు. రివార్డులు, క్యాష్ బ్యాక్ ఆఫర్లు కూడా చాలా ఎక్కువగా ఉంటాయి. FD ఆధారిత క్రెడిట్ కార్డులు భద్రత, లిక్విడిటీ, లాభాలు అనే మూడు కోణాల్లో వినియోగదారులకు ఉత్తమ ఎంపిక అవుతున్నాయి. ఫైనాన్షియల్ ప్లానింగ్ లో ఇది కొత్త మైలురాయి అని చెప్పొచ్చు.
వినియోగదారులకు కొత్త అవకాశం.. New Opportunity for Customers
రోజురోజుకూ ఖర్చులు పెరుగుతున్న సమయంలో ఆర్థిక నియంత్రణ సాధించడం కష్టమే. అయితే, ఇప్పుడు ఫిక్స్డ్ డిపాజిట్ (FD) ఆధారిత క్రెడిట్ కార్డులు వినియోగదారుల కోసం కొత్త దారిగా ఎదిగాయి. ఈ కార్డుల ద్వారా, సేఫ్ ఫైనాన్షియల్ ప్లాన్తో, క్రెడిట్ సౌలభ్యాన్ని పొందవచ్చు. ఈ కార్డు ద్వారా సురక్షితంగా, FD రీటర్న్ పొందుతూ, ఖర్చులు చేయవచ్చు.
ఎలా పనిచేస్తుందంటే.. Here’s How It Works
మీరు బ్యాంక్లో FD పెట్టుబడి (Deposit) చేస్తే, ఆ FDకి సమానమైన క్రెడిట్ లిమిట్ మీకు ఇస్తారు. ఉదాహరణకు మీరు FDలో రూ. లక్ష పెట్టినట్లయితే, అదే మొత్తం ఆధారంగా క్రెడిట్ కార్డు లిమిట్ సెట్ అవుతుంది. ఈ విధానం కారణంగా వినియోగదారులు భద్రతతో లావాదేవీలు చేయవచ్చు. అప్పుల పాలై ఇబ్బంది పడనవసరం లేదు. ఖాతాదారులు ఈ క్రెడిట్ కార్డులను FD పరిమితికి లోబడే వినియోగించాలి. ఎటువంటి ఎక్సెస్ ఖర్చులకు బ్యాంక్ అంగీకారం తెలపదు.
What Are the Benefits of fixed deposit credit cards
- FD రీటర్న్స్ కొనసాగుతాయి. అంటే మీరు పెట్టిన డిపాజిట్ పై వడ్డీ పొందుతారు.
- క్రెడిట్ కార్డ్ సౌలభ్యం ఉండటంతో, ఎమర్జెన్సీగా ఖర్చులు చేసుకోవచ్చు.
- మీరు పెట్టిన FD కారణంగా సెక్యూరిటీ గ్యారంటీ ఉంటుంది.
- క్రెడిట్ హిస్టరీ, సిబిల్ స్కోర్ మెరుగుపరచడానికి ఎఫ్డీ కార్డు దోహదపడుతుంది.
ఎక్కడ తీసుకోవచ్చు? Where Can You Get It?
ప్రభుత్వ బ్యాంకులు, ప్రైవేట్ బ్యాంకులు ఇలాంటి FD ఆధారిత క్రెడిట్ కార్డులు అందిస్తున్నాయి. SBI (State Bank of India) FD క్రెడిట్ కార్డ్, HDFC FD క్రెడిట్ కార్డ్, ICICI FD క్రెడిట్ కార్డ్ లను సులభంగా పొందవచ్చు.
అప్లై చేయడం ఎలా? How to Apply?
మీ బ్యాంక్ బ్రాంచ్లో FD పెట్టుబడి ఖాతా తెరవాలి.
FD ఆధారిత క్రెడిట్ కార్డు కోసం అప్లికేషన్ ఫారం సబ్మిట్ చేయాలి.
డాక్యుమెంట్లు, KYC పూర్తి చేయాలి. బ్యాంక్ నిర్ధారణ తర్వాత కార్డు అందుతుంది.
ఎవరు పొందొచ్చంటే.. Who Can Avail fixed deposit credit cards
FD ఖాతాదారులు, బ్యాంక్లో FD పెట్టుబడి ఉంచిన వారు మాత్రమే ఈ కార్డు కు అర్హులు.
KYC పూర్తి చేసినవారు ఆధార్, పాన్ లేదా ఇతర గుర్తింపు పత్రాలను బ్యాంకుకు ఇవ్వాలి.
18 సంవత్సరాల పైవారే అర్హుల. మైనర్లు ప్రత్యేక పరిస్థితుల్లో మాత్రమే ఎఫ్డీ కార్డును పొందవచ్చు.
కనీస FD అమౌంట్ ఆధారంగా బ్యాంక్ కార్డు ఆధారపడి ఉంటుంది.
కొన్ని బ్యాంకులు సిబిల్ స్కోర్ లేదా క్రెడిట్ స్కోరు చెక్ చేయవచ్చు. కానీ ప్రధానంగా FD ఆధారంగా లిమిట్ ఇస్తారు.
జాగ్రత్తలు & షరతులు.. Precautions & Terms
ఖర్చులు FD పరిమితి వరకు మాత్రమే ఉండాలి. ఓవర్-లిమిట్ ఖర్చులపై అదనపు ఫీజులు ఉండవచ్చు. FD కార్డు పొందడానికి ముందే పెనాల్టీలు లేదా లిక్విడిటీ షరతులు తెలుసుకోవాలి. జాయింట్ FD పరిణామాల్లో కార్డు జారీ తీర్మానం, బ్యాంకు విధానాలు తెలుసుకోవడం మేలు. కొన్ని కేసుల్లో NRIs కు ప్రత్యేక షరతులతో అవకాశం ఉండొచ్చు.
