ఈ రోజుల్లో ఉద్యోగం అనేది కేవలం ఆదాయం సంపాదించే మార్గం మాత్రమే కాదు. వ్యక్తిగత ఎదుగుదల, జీవనశైలి, మానసిక ఆరోగ్యం, కుటుంబ బాధ్యతలు, కొత్త నైపుణ్యాల అభివృద్ధి వంటి అనేక అంశాలతో కెరీర్ ముడిపడి ఉంది. ఒకప్పుడు ఉద్యోగంలో చేరిన వ్యక్తి పదవీ విరమణ వరకు అదే సంస్థలో కొనసాగడం సాధారణంగా కనిపించేది. కానీ ఇప్పుడు పరిస్థితులు పూర్తిగా మారిపోయాయి. మెరుగైన అవకాశాల కోసం, ఉన్నత చదువుల కోసం, నైపుణ్యాల పెంపు కోసం, వ్యాపారం ప్రారంభించడానికి, విదేశీ విద్య కోసం, కుటుంబ అవసరాల దృష్ట్యా లేదా మానసిక ప్రశాంతత కోసం చాలామంది కెరీర్కు కొంతకాలం (Planning a Career Break) విరామం ఇస్తున్నారు. ఇలాంటి కెరీర్ బ్రేక్ను చాలామంది జీవితంలో కొత్త ఆరంభంగా భావిస్తున్నప్పటికీ, సరైన ప్రణాళిక లేకుండా తీసుకుంటే అదే విరామం ఆర్థిక ఇబ్బందులకు కారణమయ్యే ప్రమాదం ఉంది. అందుకే కెరీర్కు విరామం ఇవ్వాలనుకునే ప్రతి ఒక్కరూ ముందుగానే ఆర్థికంగా, వృత్తిపరంగా, వ్యక్తిగతంగా సిద్ధం కావాలని ఆర్థిక నిపుణులు సూచిస్తున్నారు.
విరామం తీసుకునే ముందు… కారణం స్పష్టంగా ఉండాలి.. Know Why You Are Taking a Break
కెరీర్కు బ్రేక్ (Planning a Career Break)తీసుకోవడం ఒక పెద్ద నిర్ణయం. కాబట్టి అది కేవలం అలసట లేదా తాత్కాలిక అసంతృప్తి వల్ల తీసుకునే నిర్ణయం కాకూడదు. ముందుగా ఎందుకు విరామం తీసుకోవాలనుకుంటున్నారో మీకు స్పష్టత ఉండాలి. కొత్త కోర్సు చేయాలనుకుంటున్నారా? విదేశాల్లో చదవాలనుకుంటున్నారా? పూర్తిగా కొత్త రంగంలోకి వెళ్లాలనుకుంటున్నారా? లేక కుటుంబ బాధ్యతల వల్ల కొంతకాలం ఉద్యోగానికి దూరంగా ఉండాల్సి వస్తోందా? అనే విషయాలను ముందుగానే నిర్ణయించుకోవాలి. కారణం స్పష్టంగా ఉంటేనే తిరిగి ఉద్యోగంలోకి రావడానికి సరైన దిశలో ప్రణాళిక రూపొందించుకోవచ్చు. లేకపోతే విరామం అనుకున్న దానికంటే ఎక్కువకాలం కొనసాగి, కెరీర్పై ప్రతికూల ప్రభావం చూపే అవకాశం ఉంటుంది.
పూర్తి పరిశోధన తప్పనిసరి.. Research Before You Decide
కెరీర్ బ్రేక్(Planning a Career Break) తీసుకోవాలనుకున్న వెంటనే ఉద్యోగానికి రాజీనామా చేయడం సరైన నిర్ణయం కాదు. ముందుగా మీరు ఎంచుకున్న మార్గం భవిష్యత్తులో ఎంతవరకు ఉపయోగపడుతుందో పూర్తిగా తెలుసుకోవాలి. ఉదాహరణకు కొత్త కోర్సు చేయాలనుకుంటే, ఆ కోర్సుకు ఉద్యోగ మార్కెట్లో ఎంత డిమాండ్ ఉంది? ఎంతకాలం పడుతుంది? పూర్తి చేసిన తర్వాత వేతన అవకాశాలు ఎలా ఉంటాయి? వంటి అంశాలపై లోతుగా పరిశోధన చేయాలి. ఇంటర్నెట్లో సమాచారం చదవడం మాత్రమే కాదు. ఇప్పటికే ఆ రంగంలో ఉన్న నిపుణులతో మాట్లాడటం, కెరీర్ మెంటర్ల సలహాలు తీసుకోవడం, ఉద్యోగ అవకాశాలను పరిశీలించడం కూడా అవసరం.
ముందుగా ఆర్థిక లెక్కలు వేసుకోవాలి.. Plan Your Finances First
ఉద్యోగం(Planning a Career Break) లేకుండా కొన్ని నెలలు గడపడం అంటే ప్రతి నెలా వచ్చే జీతం ఆగిపోవడమే. కానీ ఇంటి ఖర్చులు మాత్రం ఆగవు. అందుకే కెరీర్ బ్రేక్కు ముందు మీ ఆర్థిక పరిస్థితిని పూర్తిగా విశ్లేషించుకోవాలి. ప్రతి నెల ఎంత ఖర్చవుతోంది? ఎంతకాలం ఉద్యోగం లేకపోయినా ఇబ్బంది లేకుండా గడపగలరు? ప్రస్తుతం ఉన్న పొదుపు ఎంత? ఇప్పటికే ఉన్న పెట్టుబడులను తాకకుండా జీవించగలరా? వంటి ప్రశ్నలకు సమాధానాలు తెలుసుకోవాలి. నిపుణులు సాధారణంగా కనీసం ఆరు నెలల నుంచి ఒక సంవత్సరం వరకు అవసరమైన ఖర్చులకు సరిపడా నిధులను ముందుగానే సిద్ధంగా ఉంచుకోవాలని సూచిస్తున్నారు. దీనికోసం ఎక్సెల్ షీట్ లేదా బడ్జెట్ యాప్ల సహాయంతో ఆదాయం, ఖర్చులను అంచనా వేయడం మంచిది.
ఉద్యోగం కోల్పోతే ఆలస్యం చేయొద్దు.. Act Quickly After Job Loss
కొన్ని సందర్భాల్లో (Planning a Career Break)ఉద్యోగి నిర్ణయం వల్ల కాదు, సంస్థ నిర్ణయం వల్ల కూడా కెరీర్లో విరామం రావచ్చు. సంస్థలో ఉద్యోగాల కోత, వ్యాపార మార్పులు లేదా ఇతర కారణాలతో ఉద్యోగం కోల్పోయే పరిస్థితులు ఏర్పడవచ్చు. అలాంటి సమయంలో నిరాశలో కాలం వృథా చేయకుండా వెంటనే కొత్త అవకాశాల కోసం ప్రయత్నాలు ప్రారంభించాలి. మీ అనుభవం, అర్హతలకు తగిన ఉద్యోగాలకు దరఖాస్తు చేయడంతో పాటు, నైపుణ్యాలను మెరుగుపరచే చిన్న కోర్సులు చేయడం కూడా ఉపయోగపడుతుంది. విరామం ఎక్కువకాలం కొనసాగితే ఉద్యోగ మార్కెట్లో తిరిగి ప్రవేశించడం కష్టమయ్యే అవకాశం ఉంటుంది.
సేవింగ్స్ ఖాతా కూడా కీలకమే.. Choose the Right Savings Account
కెరీర్ బ్రేక్(Planning a Career Break) సమయంలో అత్యవసర అవసరాలకు ఉపయోగపడేది మీ సేవింగ్స్ ఖాతానే. కాబట్టి ఎక్కువ వడ్డీ, తక్కువ లేదా జీరో కనీస నిల్వ, అవసరమైనప్పుడు పరిమితులు లేకుండా నగదు ఉపసంహరించుకునే సౌకర్యం ఉన్న ఖాతాను ఎంచుకోవడం మంచిది. ప్రస్తుతం అనేక బ్యాంకులు వివిధ రకాల సేవింగ్స్ ఖాతాలను అందిస్తున్నాయి. మీ అవసరాలకు అనుగుణంగా సరైన ఖాతాను ఎంపిక చేసుకోవడం ద్వారా విరామ సమయంలో ఆర్థిక ఒత్తిడిని కొంతవరకు తగ్గించుకోవచ్చు.
ఖర్చులను కట్టడి చేయడం తప్పనిసరి.. Cut Expenses Wisely
ఆదాయం (Planning a Career Break)ఆగిన సమయంలో ఖర్చులను నియంత్రించడం అత్యంత అవసరం. కెరీర్ బ్రేక్ తీసుకున్న వెంటనే మీ నెలవారీ ఖర్చుల జాబితాను తయారు చేసుకోవాలి. నెట్ఫ్లిక్స్, ఇతర ఓటీటీ ప్లాట్ఫారమ్లు, అవసరం లేని సబ్స్క్రిప్షన్లు, అదనపు ఇంటర్నెట్ ప్లాన్లు, వినోద ఖర్చులు వంటి వాటిని తాత్కాలికంగా తగ్గించుకోవచ్చు. అదే సమయంలో ఇంటి అద్దె, ఈఎంఐలు, పిల్లల చదువు, మందులు వంటి తప్పనిసరి ఖర్చులకు ప్రాధాన్యం ఇవ్వాలి. బడ్జెట్ రూపొందించి దాని ప్రకారమే ఖర్చు చేయడం అలవాటు చేసుకుంటే పొదుపు ఎక్కువకాలం సరిపోతుంది.
పెట్టుబడులను తాకడం చివరి మార్గం మాత్రమే.. Avoid Breaking Investments
చాలామంది కెరీర్ బ్రేక్ సమయంలో (Planning a Career Break)మొదటగా పెట్టుబడులను ఉపసంహరించుకోవాలని ఆలోచిస్తారు. అయితే ఇది చాలా సందర్భాల్లో సరైన నిర్ణయం కాదు. దీర్ఘకాలిక లక్ష్యాల కోసం పెట్టిన మ్యూచువల్ ఫండ్లు, పీపీఎఫ్, పదవీ విరమణ నిధులు లేదా ఇతర పెట్టుబడులను మధ్యలో తీసేస్తే భవిష్యత్తు ఆర్థిక లక్ష్యాలు దెబ్బతింటాయి. అత్యవసర పరిస్థితుల్లో మాత్రమే వాటిని ఉపయోగించడం మంచిదని ఆర్థిక నిపుణులు సూచిస్తున్నారు.
బీమా కొనసాగించడం మర్చిపోవద్దు.. Never Ignore Insurance
ఉద్యోగంలో (Planning a Career Break)ఉన్నప్పుడు చాలా మందికి కంపెనీ తరఫున ఆరోగ్య బీమా ఉంటుంది. కానీ ఉద్యోగానికి రాజీనామా చేసిన తర్వాత లేదా ఉద్యోగం కోల్పోయిన తర్వాత ఆ సౌకర్యం సాధారణంగా ముగుస్తుంది. అలాంటి సమయంలో వ్యక్తిగత ఆరోగ్య బీమా లేకపోతే చిన్న వైద్య సమస్య కూడా పెద్ద ఆర్థిక భారంగా మారే ప్రమాదం ఉంటుంది. అందుకే కెరీర్ బ్రేక్ సమయంలో కూడా ఆరోగ్య బీమా తప్పనిసరిగా కొనసాగించాలి. మీపై ఆధారపడిన కుటుంబ సభ్యులు ఉంటే కనీసం రూ.10 లక్షల వరకు కవరేజ్ కలిగిన ఫ్యామిలీ ఫ్లోటర్ పాలసీ ఉండడం మరింత సురక్షితం. అలాగే జీవిత బీమా కూడా కొనసాగించాలి. కుటుంబ అవసరాలు, గృహ రుణాలు, ఇతర బాధ్యతలను దృష్టిలో పెట్టుకుని తగిన బీమా కవరేజ్ను కొనసాగించడం చాలా ముఖ్యం.
ఆదాయం పూర్తిగా ఆగిపోనివ్వొద్దు.. Keep an Income Flow Alive
కెరీర్ బ్రేక్ (Planning a Career Break)అంటే ఆదాయం పూర్తిగా ఆగిపోవాల్సిన అవసరం లేదు. మీకు ఉన్న అనుభవాన్ని ఉపయోగించి ఫ్రీలాన్సింగ్, కన్సల్టెన్సీ, ఆన్లైన్ శిక్షణ, ప్రాజెక్టు ఆధారిత పనులు, కంటెంట్ రైటింగ్, డిజిటల్ మార్కెటింగ్, సాఫ్ట్వేర్ సేవలు, అకౌంటింగ్, డిజైన్ వంటి రంగాల్లో తాత్కాలిక అవకాశాలను వెతకవచ్చు. ఇలాంటి పనుల్లో సాధారణ ఉద్యోగాలతో పోలిస్తే ఎంపిక ప్రక్రియ వేగంగా పూర్తవుతుంది. చిన్న మొత్తంలో అయినా ఆదాయం వస్తే సేవింగ్స్పై ఒత్తిడి తగ్గుతుంది. అంతేకాదు, కెరీర్లో ఖాళీ ఎక్కువగా కనిపించకుండా కూడా ఉంటుంది.
నైపుణ్యాల పెంపు… తిరిగి ఉద్యోగానికి బలమైన ఆయుధం.. Upgrade Your Skills
కెరీర్ బ్రేక్ను ఖాళీ సమయంగా కాకుండా అభివృద్ధి (Planning a Career Break)అవకాశంగా మార్చుకోవాలి. ప్రస్తుతం ఉద్యోగ మార్కెట్ వేగంగా మారుతోంది. కృత్రిమ మేధ (AI), డేటా అనలిటిక్స్, సైబర్ సెక్యూరిటీ, క్లౌడ్ కంప్యూటింగ్, డిజిటల్ మార్కెటింగ్, ఫైనాన్షియల్ అనలిసిస్, కమ్యూనికేషన్ స్కిల్స్ వంటి నైపుణ్యాలకు భారీ డిమాండ్ ఉంది. ఈ సమయంలో సర్టిఫికేషన్ కోర్సులు చేయడం, కొత్త సాంకేతికతలను నేర్చుకోవడం, పరిశ్రమలో జరుగుతున్న మార్పులను తెలుసుకోవడం ద్వారా తిరిగి ఉద్యోగంలోకి వచ్చినప్పుడు మరింత మెరుగైన అవకాశాలు పొందవచ్చు.
విరామం అంటే వెనుకడుగు కాదు.. A Break Can Be a New Beginning
కెరీర్కు విరామం ఇవ్వడం(Planning a Career Break) అనేది వైఫల్యానికి సంకేతం కాదు. సరైన ప్రణాళికతో తీసుకున్న కెరీర్ బ్రేక్ జీవితంలో కొత్త అవకాశాలకు తలుపులు తెరుస్తుంది. అయితే ఆ నిర్ణయం భావోద్వేగాలపై కాకుండా, స్పష్టమైన లక్ష్యం, పక్కా ఆర్థిక ప్రణాళిక, నైపుణ్యాల అభివృద్ధి, ప్రత్యామ్నాయ ఆదాయ వనరులు, సరైన బీమా రక్షణ వంటి అంశాలపై ఆధారపడి ఉండాలి. నేటి ఉద్యోగ ప్రపంచంలో కెరీర్ ప్రయాణం ఒకే దారిలో సాగడం లేదు. మధ్యలో వచ్చే విరామాలు కూడా ఎదుగుదలకు మెట్లు కావచ్చు. అయితే ఆ మెట్టుపై నిలబడటానికి ముందస్తు ఆర్థిక సిద్ధత, తెలివైన నిర్ణయాలు, నిరంతర నైపుణ్యాభివృద్ధి, సమయాన్ని సద్వినియోగం చేసుకునే దృక్పథం తప్పనిసరి. సరైన ప్రణాళికతో తీసుకున్న కెరీర్ బ్రేక్ ఉద్యోగ జీవితానికి ముగింపు కాదు… మరింత విజయవంతమైన కొత్త ఆరంభం.
About the Author
