స్టాక్ మార్కెట్లలో తీవ్ర ఒడిదుడుకులు, గ్లోబల్ ఆర్థిక అనిశ్చితి, వడ్డీ రేట్ల మార్పులు… ఇలాంటి పరిస్థితుల్లో చాలామంది పెట్టుబడిదారులు ఇప్పటికీ భద్రమైన పెట్టుబడుల వైపే మొగ్గు చూపుతున్నారు. అలాంటి వాటిలో ఫిక్స్డ్ డిపాజిట్లు ఇప్పటికీ అత్యంత నమ్మకమైన ఎంపికగా కొనసాగుతున్నాయి. అయితే ఒకప్పుడు ఎఫ్డీ అంటే కేవలం బ్యాంకులే గుర్తుకు వచ్చేవి. కానీ ఇప్పుడు పరిస్థితి మారుతోంది. 2026లో నాన్-బ్యాంకింగ్ ఫైనాన్షియల్ కంపెనీలు (NBFCలు) ఫిక్స్డ్ డిపాజిట్ (NBFC FD Boom)మార్కెట్లో భారీ పోటీని సృష్టిస్తున్నాయి. ముఖ్యంగా బ్యాంకుల కంటే ఎక్కువ వడ్డీ రేట్లు ఆఫర్ చేస్తూ పెట్టుబడిదారులను ఆకర్షిస్తున్నాయి. ప్రస్తుతం ప్రముఖ ప్రభుత్వ, ప్రైవేట్ బ్యాంకులు సాధారణంగా 6.5 శాతం నుంచి 7 శాతం మధ్య వడ్డీ ఇస్తుండగా, కొన్ని ఎన్బీఎఫ్సీలు ఏకంగా 8 శాతానికి పైగా రాబడిని అందిస్తున్నాయి. దీంతో అధిక రాబడి కోరుకునే పెట్టుబడిదారులు ఇప్పుడు NBFC FDల వైపు చూస్తున్నారు.
NBFC FDల వైపు ఇన్వెస్టర్లు ఎందుకు ఆకర్షితులవుతున్నారు? Why NBFC FDs Attract Investors?
దేశంలో ద్రవ్యోల్బణం ప్రభావం ఇంకా పూర్తిగా తగ్గకపోవడంతో ప్రజలు తమ పొదుపులపై మెరుగైన రాబడి కోరుకుంటున్నారు. సేవింగ్స్ అకౌంట్లలో డబ్బు ఉంచితే తక్కువ వడ్డీ మాత్రమే లభిస్తోంది. స్టాక్ మార్కెట్లు రిస్క్తో కూడుకున్నవిగా మారాయి. ఈ పరిస్థితుల్లో స్థిరమైన వడ్డీతో పాటు భద్రత కూడా కోరుకునే వారు ఎఫ్డీలను (NBFC FD Boom)ఆశ్రయిస్తున్నారు. అయితే బ్యాంకుల కంటే ఎక్కువ రాబడి ఇచ్చే NBFC ఎఫ్డీలు ఇప్పుడు ఆకర్షణీయమైన ఎంపికగా మారాయి. ముఖ్యంగా పదవీ విరమణ పొందినవారు, నెలవారీ వడ్డీ ఆదాయం కోరుకునే కుటుంబాలు, రిస్క్ తక్కువగా ఉండే పెట్టుబడులు కోరుకునే వారు NBFC ఎఫ్డీలపై ఆసక్తి చూపుతున్నారు.
అత్యధిక వడ్డీ ఇస్తున్న టాప్ NBFCలు ఇవే!.. Top NBFCs Offering High Interest
ప్రస్తుతం కొన్ని ప్రముఖ NBFC సంస్థలు మార్కెట్లో అత్యధిక వడ్డీ రేట్లు అందిస్తున్నాయి.
Muthoot Capital Services మూడు నుంచి ఐదు సంవత్సరాల కాలపరిమితి గల ఎఫ్డీలపై సుమారు 8.5 శాతం వరకు వడ్డీ ఆఫర్ చేస్తూ ముందంజలో నిలిచింది. అధిక రాబడి కోరుకునే పెట్టుబడిదారుల దృష్టిని ఈ సంస్థ ఆకర్షిస్తోంది.
Manipal Housing Finance కూడా ఒకటి నుంచి మూడు సంవత్సరాల డిపాజిట్లపై 8.25 శాతం వరకు వడ్డీ అందిస్తోంది.
Shriram Finance చాలా కాలంగా మార్కెట్లో నమ్మకమైన సంస్థగా గుర్తింపు పొందింది. ఈ సంస్థ సాధారణ పెట్టుబడిదారులకు 7.6 శాతం వరకు, సీనియర్ సిటిజన్లకు 8.1 శాతం వరకు వడ్డీ అందిస్తోంది.
Sundaram Finance కొన్ని ప్రత్యేక కాలపరిమితులపై 7.5 నుంచి 8 శాతం వరకు వడ్డీ రేట్లు అందిస్తోంది.
Bajaj Finance కూడా స్థిరమైన NBFCగా మార్కెట్లో మంచి గుర్తింపు పొందింది. ఈ సంస్థ సాధారణ కస్టమర్లకు 7.4 శాతం, సీనియర్ సిటిజన్లకు 7.75 శాతం వరకు వడ్డీ ఇస్తోంది.
ఇక PNB Housing Finance వంటి సంస్థలు కూడా 7 శాతానికి పైగా రాబడిని అందిస్తున్నాయి.
NBFCలు ఎక్కువ వడ్డీ ఎందుకు ఇస్తున్నాయి? Why NBFCs Offer Higher Rates?
చాలామందికి వచ్చే ప్రధాన సందేహం… బ్యాంకుల కంటే NBFCలు (NBFC FD Boom)ఎందుకు ఎక్కువ వడ్డీ ఇస్తున్నాయి? దీనికి ప్రధాన కారణం వాటి వ్యాపార నమూనా. బ్యాంకులకు కరెంట్ అకౌంట్లు, సేవింగ్స్ అకౌంట్ల రూపంలో తక్కువ వడ్డీతో భారీ మొత్తంలో డిపాజిట్లు లభిస్తాయి. దీనిని CASA (Current Account Savings Account) బేస్ అంటారు. కానీ NBFCలకు అలాంటి భారీ CASA డిపాజిట్లు ఉండవు. తమ వ్యాపారం, రుణాల కోసం వీరు మార్కెట్ నుంచి నిధులు సమీకరించాలి. అందుకే పెట్టుబడిదారులను ఆకర్షించేందుకు అధిక వడ్డీ రేట్లు ఆఫర్ చేస్తుంటాయి. అంటే ఎక్కువ వడ్డీ అనేది కేవలం లాభం మాత్రమే కాదు, అదనపు రిస్క్ను కూడా సూచించే అవకాశం ఉందని ఆర్థిక నిపుణులు చెబుతున్నారు.
రిస్క్ అంశాన్ని విస్మరించొద్దు.. Risk Factor Cannot Be Ignored
NBFC ఎఫ్డీల్లో (NBFC FD Boom)పెట్టుబడి పెట్టేముందు ప్రతి ఇన్వెస్టర్ గుర్తుంచుకోవాల్సిన ముఖ్యమైన విషయం భద్రత. బ్యాంక్ డిపాజిట్లకు ప్రభుత్వ మద్దతుతో డిపాజిట్ ఇన్సూరెన్స్ ఉంటుంది. సాధారణంగా ఒక్కో డిపాజిటర్కు రూ.5 లక్షల వరకు రక్షణ లభిస్తుంది. కానీ చాలా NBFC ఎఫ్డీలకు అలాంటి ప్రభుత్వ గ్యారెంటీ ఉండదు. అందుకే కేవలం అధిక వడ్డీ ఆశతో ఏ కంపెనీలో పడితే ఆ కంపెనీలో పెట్టుబడి పెట్టకూడదని నిపుణులు హెచ్చరిస్తున్నారు. పెట్టుబడి పెట్టేముందు ఆ కంపెనీ ఆర్థిక స్థితి, వ్యాపార చరిత్ర, క్రెడిట్ రేటింగ్ వంటి అంశాలను తప్పనిసరిగా పరిశీలించాలని సూచిస్తున్నారు.
క్రెడిట్ రేటింగ్స్ ఎంతో కీలకం.. Credit Ratings Matter
NBFC ఎఫ్డీల (NBFC FD Boom)విషయంలో క్రెడిట్ రేటింగ్ అత్యంత కీలకమైన అంశం. CRISIL, ICRA వంటి రేటింగ్ సంస్థలు కంపెనీల ఆర్థిక సామర్థ్యాన్ని విశ్లేషించి రేటింగ్స్ ఇస్తుంటాయి. AAA (ట్రిపుల్ ఏ) రేటింగ్ పొందిన సంస్థలు ఆర్థికంగా బలంగా ఉన్నట్లుగా భావిస్తారు. అలాంటి కంపెనీల్లో పెట్టుబడి పెట్టడం కొంత భద్రతగా భావించవచ్చు. తక్కువ రేటింగ్ ఉన్న కంపెనీలు అధిక వడ్డీ ఇస్తున్నా, వాటిలో రిస్క్ కూడా ఎక్కువగా ఉండే అవకాశం ఉందని నిపుణులు చెబుతున్నారు.
సీనియర్ సిటిజన్లకే ఎక్కువ లాభం.. Senior Citizens Benefit More
NBFC ఎఫ్డీల (NBFC FD Boom)వల్ల ఎక్కువగా లాభపడే వర్గం సీనియర్ సిటిజన్లే. సాధారణంగా చాలా సంస్థలు వృద్ధులకు అదనంగా 0.25 నుంచి 0.50 శాతం వరకు ప్రత్యేక వడ్డీ ఇస్తాయి. దీని వల్ల నెలవారీ వడ్డీ ఆదాయం గణనీయంగా పెరుగుతుంది. పెన్షన్పై ఆధారపడే వృద్ధులకు ఇది ఒక స్థిరమైన ఆదాయ వనరుగా మారుతోంది. ముఖ్యంగా బ్యాంకు ఎఫ్డీలతో పోలిస్తే అదనపు రాబడి రావడం వల్ల చాలామంది ఇప్పుడు NBFCల వైపు చూస్తున్నారు.
ట్యాక్స్ నిబంధనలు బ్యాంకుల మాదిరిగానే.. Tax Rules Same As Banks
చాలామంది ఒక అపోహలో ఉంటారు. NBFC ఎఫ్డీలపై (NBFC FD Boom)వచ్చే వడ్డీకి ప్రత్యేక పన్ను రాయితీలు ఉంటాయని భావిస్తారు. కానీ ఇది నిజం కాదు. బ్యాంకు ఎఫ్డీల మాదిరిగానే NBFC ఎఫ్డీలపై వచ్చే వడ్డీ కూడా పూర్తిగా ఆదాయపు పన్ను పరిధిలోకి వస్తుంది. మీరు ఉన్న పన్ను స్లాబ్ ప్రకారం వడ్డీ ఆదాయంపై ట్యాక్స్ చెల్లించాల్సి ఉంటుంది. అధిక ఆదాయ వర్గాల్లో ఉన్నవారికి వాస్తవ రాబడి తగ్గే అవకాశం ఉంటుంది. అందుకే పెట్టుబడి పెట్టేముందు “పోస్ట్ ట్యాక్స్ రిటర్న్” ఎంత వస్తుందో కూడా లెక్కించుకోవాలని ఆర్థిక నిపుణులు సూచిస్తున్నారు.
లిక్విడిటీ, ముందస్తు ఉపసంహరణపై అవగాహన అవసరం.. Liquidity And Premature Withdrawal
NBFC ఎఫ్డీల్లో (NBFC FD Boom)మరో కీలక అంశం లిక్విడిటీ. అంటే అవసరమైన సమయంలో డబ్బును తిరిగి పొందే అవకాశం. కొన్ని సంస్థలు ముందస్తు ఉపసంహరణకు అనుమతిస్తాయి. కానీ పెనాల్టీలు విధించే అవకాశం ఉంటుంది. మరికొన్ని నిర్దిష్ట కాలానికి ముందు డబ్బు తీసుకునేందుకు పరిమితులు విధించవచ్చు. అందుకే అత్యవసర నిధుల కోసం మొత్తం డబ్బును NBFC ఎఫ్డీల్లో పెట్టడం కంటే, కొంత భాగాన్ని బ్యాంకు ఎఫ్డీలు లేదా సేవింగ్స్ సాధనాల్లో ఉంచడం మంచిదని నిపుణులు సూచిస్తున్నారు.
పెట్టుబడుల విభజన చాలా ముఖ్యం.. Diversification Is Important
ఒకే సంస్థలో మొత్తం పెట్టుబడి పెట్టడం ప్రమాదకరం కావచ్చు. ఉదాహరణకు రూ.10 లక్షలు పెట్టుబడి పెట్టాలనుకునే వారు మొత్తం మొత్తాన్ని ఒకే NBFCలో పెట్టకుండా, వివిధ సంస్థల్లో విభజించి పెట్టడం మంచిది. దీంతో రిస్క్ తగ్గుతుంది. అలాగే అవసరమైతే కొంత మొత్తాన్ని మాత్రమే ఉపసంహరించుకునే అవకాశం ఉంటుంది. పెట్టుబడుల్లో “డైవర్సిఫికేషన్” అనేది అత్యంత ముఖ్యమైన వ్యూహమని ఆర్థిక నిపుణులు చెబుతున్నారు.
మారుతున్న పెట్టుబడి ధోరణులు.. Changing Investment Preferences
ఇటీవల యువతలో కూడా స్థిరమైన పెట్టుబడులపై ఆసక్తి పెరుగుతోంది. స్టాక్ మార్కెట్లలో నష్టాలు ఎదుర్కొన్న తర్వాత చాలామంది మళ్లీ భద్రమైన పెట్టుబడుల వైపు మళ్లుతున్నారు. అదే సమయంలో డిజిటల్ ఫైనాన్స్ విస్తరణతో NBFC సంస్థలు కూడా తమ సేవలను సులభతరం చేస్తున్నాయి. ఆన్లైన్లోనే ఎఫ్డీలు ప్రారంభించే అవకాశం కల్పిస్తున్నాయి. దీంతో పెట్టుబడిదారులకు NBFC ఎఫ్డీలు (NBFC FD Boom)మరింత అందుబాటులోకి వస్తున్నాయి. కాగా 2026లో ఫిక్స్డ్ డిపాజిట్ మార్కెట్లో NBFCలు కీలక పాత్ర పోషిస్తున్నాయి. బ్యాంకుల కంటే ఎక్కువ వడ్డీ రేట్లు అందిస్తూ పెట్టుబడిదారులను ఆకర్షిస్తున్నాయి. అయితే “ఎక్కువ వడ్డీ” మాత్రమే చూసి నిర్ణయం తీసుకోవడం ప్రమాదకరం కావచ్చు. కంపెనీ విశ్వసనీయత, క్రెడిట్ రేటింగ్, లిక్విడిటీ, పన్ను ప్రభావం వంటి అంశాలను పూర్తిగా పరిశీలించాలి. AAA రేటింగ్ ఉన్న ప్రముఖ NBFC సంస్థల్లో సరైన ప్రణాళికతో పెట్టుబడి పెడితే, బ్యాంకు ఎఫ్డీల కంటే మెరుగైన రాబడిని పొందే అవకాశం ఉంటుంది. కానీ పెట్టుబడుల విషయంలో “భద్రత”కు ఎప్పుడూ మొదటి ప్రాధాన్యత ఇవ్వాలని ఆర్థిక నిపుణులు గుర్తు చేస్తున్నారు.
About the Author
