డబ్బు సంపాదించడం ఒక ఎత్తు అయితే.. ఆ సంపాదించిన డబ్బుతో మరిన్ని కోట్లు సృష్టించడం మరో ఎత్తు. తెలివైన పెట్టుబడిదారుడు ఎప్పుడూ కష్టపడి పని చేయడమే కాదు, తన డబ్బు తన కోసం పని చేసేలా ప్లాన్ చేసుకుంటాడు. మరి సామాన్యులు కూడా కోటీశ్వరులు కావచ్చా? రిటైర్మెంట్ (Pension Plan) తర్వాత నెలకు లక్షల్లో పెన్షన్ పొందడం సాధ్యమేనా? అంటే.. ఖచ్చితంగా సాధ్యమేనని చెబుతున్నారు ఆర్థిక నిపుణులు.
చాలా మందికి జీవితాంతం కష్టపడినా రిటైర్మెంట్ తర్వాత పరిస్థితి ఏంటన్న భయం ఉంటుంది. కానీ, చిన్న వయసులోనే క్రమశిక్షణతో పెట్టుబడి మొదలుపెడితే, వృద్ధాప్యంలో ఎవరికీ భారమవ్వకుండా రాజాలా బ్రతకవచ్చు. దీనికి మనం అనుసరించాల్సిన ప్రధాన సూత్రం: సిప్.
1. రోజుకు రూ. 200.. నెలకు రూ. 6 వేలు!
మనం రోజూ సరదాగా ఖర్చు చేసే రూ. 200లను ఆదా చేస్తే, నెలకు రూ. 6,000 అవుతుంది. ఒక సాధారణ ఇన్వెస్టర్ ఈ రూ. 6,000లను 30 ఏళ్ల పాటు మ్యూచువల్ ఫండ్లలో సిప్ చేస్తూ పోతే, సగటున 15 శాతం రాబడితో సుమారు రూ. 4.20 కోట్ల వరకు వెనకేయవచ్చు. ఇది సాధారణ పద్ధతి.
2. స్మార్ట్ ఇన్వెస్టర్ మంత్రం: ‘స్టెప్ అప్’ సిప్ (Step-up SIP)
సాధారణ ఇన్వెస్టర్కు, స్మార్ట్ ఇన్వెస్టర్కు తేడా ఇక్కడే ఉంటుంది. స్మార్ట్ ఇన్వెస్టర్ తన ఆదాయం పెరిగే కొద్దీ ఏటా తన పెట్టుబడిని కూడా పెంచుకుంటూ పోతాడు. దీనినే ‘స్టెప్ అప్ సిప్’ అంటారు.
మీరు నెలకు రూ. 6,000 పెట్టుబడితో మొదలుపెట్టి, ఏటా ఆ మొత్తాన్ని కనీసం 10 శాతం పెంచుకుంటూ వెళ్లారనుకోండి.. అప్పుడు మ్యాజిక్ (Pension Plan) మొదలవుతుంది. మీ పెట్టుబడి కాలం 30 ఏళ్లు అనుకుంటే, అదే 15 శాతం రాబడితో మీ దగ్గర ఉండే మొత్తం అక్షరాలా రూ. 9 కోట్లు!
3. రిటైర్మెంట్ తర్వాత రూ. 6 లక్షల పెన్షన్ ఎలా?
మీకు 60 ఏళ్లు వచ్చేసరికి మీ చేతిలో రూ. 9 కోట్ల భారీ నిధి ఉంటుంది. ఇప్పుడు దీన్ని తెలివిగా వినియోగించుకోవాలి. ఇక్కడే SWP – Systematic Withdrawal Plan అనే ఆప్షన్ మనకు ఉపయోగపడుతుంది.
మీకున్న రూ. 9 కోట్లను తక్కువ రిస్క్ ఉండే లేదా సురక్షితమైన డెట్ ఫండ్లలో ఇన్వెస్ట్ చేస్తే, అక్కడ కనీసం 7 శాతం రాబడి వచ్చినా..మీరు నెలకు రూ. 6 లక్షలను విత్ డ్రా (Pension Plan) చేసుకోవచ్చు. ఇలా మీరు పెన్షన్ తీసుకుంటున్నా, మరోవైపు వైద్య అత్యవసరాల కోసం లేదా ఇతర అవసరాల కోసం మీ దగ్గర అదనంగా సుమారు రూ. 2.64 కోట్ల భారీ ఆపత్కాల నిధి మిగిలే ఉంటుంది.
4. ఎందుకు త్వరగా మొదలుపెట్టాలి?
పెట్టుబడి విషయంలో ‘సమయం’ అనేది పెట్టుబడి మొత్తం కంటే శక్తివంతమైనది. మీరు ఎంత త్వరగా (ఉదాహరణకు 30 ఏళ్ల వయసులోనే) మొదలుపెడితే, ‘కాంపౌండింగ్’ (చక్రవడ్డీ) ప్రభావం అంత ఎక్కువగా ఉంటుంది. ద్రవ్యోల్బణం (ధరల పెరుగుదల) వల్ల భవిష్యత్తులో ఖర్చులు పెరుగుతాయి కాబట్టి, దాన్ని తట్టుకోవాలంటే మన దగ్గర భారీ నిధి ఉండటం చాలా ముఖ్యం.
గుర్తుంచుకోవాల్సిన విషయాలు:
* క్రమశిక్షణ: మార్కెట్ ఒడిదొడుకులు ఉన్నా పెట్టుబడి ఆపకూడదు.
* దీర్ఘకాలిక ఆలోచన: కనీసం 20 నుండి 30 ఏళ్ల లక్ష్యంతో పెట్టుబడి పెట్టాలి.
* నిపుణుల సలహా: మ్యూచువల్ ఫండ్లలో పెట్టుబడులు మార్కెట్ రిస్క్కు లోబడి ఉంటాయి, కాబట్టి ఇన్వెస్ట్ చేసే ముందు ఒకసారి ఫైనాన్షియల్ అడ్వైజర్ను సంప్రదించడం ఉత్తమం.
* పెద్ద మొత్తంలో డబ్బు వెనకేయడానికి లక్షల్లో జీతం ఉండాల్సిన అవసరం లేదు. చిన్న మొత్తంతో మొదలుపెట్టి, స్మార్ట్గా పెట్టుబడిని పెంచుకుంటూ(Pension Plan) పోతే.. సామాన్యుడు కూడా కోటీశ్వరుడు కావచ్చు. మరి ఇంకెందుకు ఆలస్యం? ఈ రోజే మీ పొదుపు ప్రయాణాన్ని మొదలుపెట్టండి!
