ప్రపంచంలో యుద్ధం ఎక్కడైనా మొదలైతే… దాని ధర చివరకు లెక్కల రూపంలో బయటపడుతుంది. కానీ ఆ లెక్కలు కేవలం డాలర్లలోనే కాదు. రాజకీయ స్థిరత్వంలో, ఆయుధ నిల్వల్లో, ప్రపంచ శక్తిసంతులనంలో కూడా చెల్లించాల్సి వస్తుంది. ఇరాన్తో యుద్ధం విషయంలో ఇప్పుడు అమెరికా ఎదుర్కొంటున్న ప్రశ్న అదే. ఒక్క రోజు యుద్ధానికి వేల కోట్ల రూపాయలు (Cost of One Day of War) ఖర్చవుతుంటే… నాలుగు, ఐదు వారాల యుద్ధమంటే ఆ భారమెంత? అన్నది సర్వత్రా చర్చనీయాంశమవుతోంది.
పాత శత్రుత్వం… కొత్త మంటలు (An Old Rivalry, A New Flashpoint)
అమెరికా–ఇరాన్ శత్రుత్వం కొత్తది కాదు. దశాబ్దాలుగా ఈ రెండు దేశాల మధ్య అనుమానం, ఉద్రిక్తత, ఆంక్షలు, ప్రతీకార చర్యలు కొనసాగుతూనే ఉన్నాయి. కానీ గత వారం నుంచి ఈ శత్రుత్వం ప్రమాదకర మలుపు తిరిగింది. ఇజ్రాయెల్తో కలిసి ఇరాన్పై అమెరికా దాడులు ప్రారంభించడంతో పశ్చిమాసియా మొత్తం యుద్ధ మంటల్లో కూరుకుపోయింది. ఈ ఘర్షణలు నాలుగు నుంచి ఐదు వారాలు కొనసాగవచ్చని స్వయంగా అమెరికా అధ్యక్షుడు డొనాల్డ్ ట్రంప్ ప్రకటించడం ప్రపంచాన్ని ఆశ్చర్యానికి గురి చేసింది. అంటే ఇది తక్షణ ప్రతీకార దాడి మాత్రమే కాదు… దీర్ఘకాలిక యుద్ధానికి వాషింగ్టన్ సిద్ధమవుతోందన్న సంకేతంగా విశ్లేషకులు భావిస్తున్నారు.
‘ఆపరేషన్ ఎపిక్ ఫ్యూరీ’ (Operation Epic Fury)
ఫిబ్రవరి 28న ‘ఆపరేషన్ ఎపిక్ ఫ్యూరీ’ పేరుతో ఇరాన్పై అమెరికా–ఇజ్రాయెల్ సంయుక్త దాడులు ప్రారంభమయ్యాయి. గగనతల దాడులు, సముద్రం నుంచి క్షిపణి ప్రయోగాలు, భూతల ఆపరేషన్లు… ఇలా అన్ని స్థాయిల్లో దాడులు కొనసాగుతున్నాయి. టెహ్రాన్కు చెందిన నౌకలు, సైనిక స్థావరాలు, ఆయుధ నిల్వలు లక్ష్యంగా వందల సంఖ్యలో దాడులు జరిగాయని అమెరికా సైన్యం ప్రకటించింది. కేవలం దాడులే కాదు… ఈ ఆపరేషన్ కోసం అమెరికా 20కి పైగా అత్యాధునిక ఆయుధ వ్యవస్థలను రంగంలోకి దించింది. యుద్ధ విమానాలు, క్షిపణి వ్యవస్థలు, యుద్ధ నౌకలు, డ్రోన్లు… అన్నీ ఒకేసారి పనిచేస్తున్నాయి.
తొలి 24 గంటల ఖర్చే షాక్ (The First-Day Shock)
యుద్ధం ఎంత ఖర్చవుతుందో (Cost of One Day of War)ఖచ్చితంగా చెప్పడం కష్టం. ఎందుకంటే ప్రతి క్షణం పరిస్థితులు మారుతుంటాయి. కానీ ‘ఆపరేషన్ ఎపిక్ ఫ్యూరీ’ ప్రారంభమైన తొలి 24 గంటల్లోనే అమెరికా సుమారు 779 మిలియన్ డాలర్లు ఖర్చు చేసిందన్న అంచనాలు వెలువడ్డాయి. భారత కరెన్సీలో ఇది దాదాపు రూ.7వేల కోట్లకు పైమాటే. ఇది కేవలం ప్రత్యక్ష దాడుల ఖర్చు మాత్రమే. దాడులకు ముందే పశ్చిమాసియాలో అమెరికా భారీగా సైనిక బలగాలను మోహరించింది. యుద్ధ విమానాలు, నౌకలు, అదనపు సైనిక దళాల తరలింపుకు మరో 630 మిలియన్ డాలర్ల వరకు ఖర్చయ్యి ఉండొచ్చని రక్షణ నిపుణులు అంచనా వేస్తున్నారు.
ఒక్క నౌకే రోజుకు రూ.59 కోట్లు (The Price of Power Projection)
యుద్ధ ఖర్చు (Cost of One Day of War)ఎంత భారమో చెప్పడానికి ఒక్క ఉదాహరణ చాలు. అమెరికాకు చెందిన యూఎస్ఎస్ జెరాల్డ్ ఆర్ ఫోర్డ్ వంటి యుద్ధ విమాన వాహక నౌకను నిర్వహించాలంటే రోజుకు సుమారు 6.5 మిలియన్ డాలర్లు ఖర్చవుతాయని సెంటర్ ఫర్ న్యూ అమెరికన్ సెక్యూరిటీ గణాంకాలు చెబుతున్నాయి. అంటే భారత కరెన్సీలో దాదాపు రూ.59 కోట్లు… ఒక్క రోజుకు. పశ్చిమాసియాలో ప్రస్తుతం ఒకటి కాదు, రెండు కాదు… పలువురు యుద్ధ నౌకలు, సబ్మెరిన్లు, విమాన వాహక నౌకలు మోహరించబడ్డాయి. వీటి నిర్వహణ ఖర్చులే అమెరికా ఖజానాపై భారీ భారం.
ఆయుధాలు నాశనం… (Losing Weapons, Not Just Money)
డబ్బు పరంగా(Cost of One Day of War) చూస్తే ఇది అమెరికాకు పెద్ద సమస్య కాదని కొందరు అంటారు. ఎందుకంటే అగ్రరాజ్య రక్షణ బడ్జెట్ ఇప్పటికే ట్రిలియన్ డాలర్లకు పైగా ఉంది. దానిని 1.5 ట్రిలియన్ డాలర్ల వరకూ పెంచే ఆలోచన కూడా ఉంది. కానీ అసలు ఆందోళన వేరే. ఈ యుద్ధంలో అమెరికా ఆయుధాలను కోల్పోతోంది. కువైట్లో మూడు యుద్ధ విమానాలు కూలిపోయాయి. ‘ఫ్రెండ్లీ ఫైర్’ కారణంగా జరిగిందని చెబుతున్నా… సాంకేతికంగా ఇది ఆందోళనకర పరిణామమే. అంతేకాదు… క్షిపణులను అడ్డుకునే ఆధునిక వ్యవస్థలు పరిమిత సంఖ్యలోనే ఉన్నాయి. వాటిలో కొన్ని ఇప్పటికే ఉక్రెయిన్కు పంపించబడ్డాయి. మరికొన్ని ఆసియా, ఇండో-పసిఫిక్ ప్రాంతంలో మోహరించబడ్డాయి. ఇప్పుడు ఇరాన్ ఘర్షణలు మరింత కాలం సాగితే… ఈ వ్యవస్థల లభ్యతే ప్రశ్నార్థకంగా మారవచ్చని నిపుణులు హెచ్చరిస్తున్నారు.
ఇజ్రాయెల్కు మద్దతు… బిలియన్లలో (Backing Israel at a Price)
2023 అక్టోబరు 7న హమాస్ దాడి తర్వాత నుంచి ఇజ్రాయెల్కు అమెరికా అందించిన సైనిక సాయం భారీగానే ఉంది. బ్రౌన్ యూనివర్సిటీ అధ్యయనం ప్రకారం… ఈ సాయం విలువ 21.7 బిలియన్ డాలర్లు. ఇది కాకుండా యెమెన్, ఇరాన్, పశ్చిమాసియాలో(Cost of One Day of War) ఇజ్రాయెల్కు మద్దతుగా అమెరికా సాగిస్తున్న ఆపరేషన్ల ఖర్చు వేరుగా ఉంది. ఈ రెండేళ్ల ఉద్రిక్తతలన్నింటిని కలిపితే… ఇప్పటివరకు అమెరికా ఖర్చు 31 నుంచి 34 బిలియన్ డాలర్ల మధ్యే ఉందని అంచనా.
డబ్బు కాదు… రాజకీయ ధర (The Political Cost)
యుద్ధం ఖర్చు(Cost of One Day of War) కేవలం ఖజానాపైనే పడదు. దేశీయంగా రాజకీయ ఒత్తిళ్లు పెరుగుతాయి. పన్నుల రూపంలో ప్రజలపై భారం పడే అవకాశం ఉంటుంది. అంతర్జాతీయంగా అమెరికాపై విమర్శలు వెల్లువెత్తుతాయి. ఇరాన్ ఘర్షణలు కొనసాగితే చమురు ధరలు పెరుగుతాయి. దాని ప్రభావం అమెరికా ఆర్థిక వ్యవస్థపైనా పడుతుంది. ఎన్నికల వాతావరణంలో ఇది ట్రంప్ ప్రభుత్వానికి రాజకీయంగా ఇబ్బందికర పరిస్థితిని తీసుకురావచ్చు.
ఎంతకాలం సాగుతుంది? (How Long Can This Last?)
నాలుగు నుంచి ఐదు వారాలు… ఇది అధికారికంగా చెప్పిన మాట. కానీ యుద్ధాలు ఎప్పుడూ షెడ్యూల్ ప్రకారం ముగియవు. ఇరాన్ ప్రత్యక్షంగా కాకపోయినా… తన మిత్ర బలగాల ద్వారా ప్రతీకారం తీర్చుకునే అవకాశం ఉంది. అలా జరిగితే ఘర్షణల పరిధి మరింత విస్తరిస్తుంది. అప్పుడు ఖర్చు లెక్కలు కూడా మారిపోతాయి. రోజుకు రూ.7వేల కోట్లు (Cost of One Day of War)అనేది కేవలం ఆరంభం మాత్రమే కావచ్చు.
యుద్ధానికి నిజమైన ధర (The Real Cost of War)
యుద్ధం మొదలుపెట్టడం సులువు. ముగించడం కష్టం. అమెరికా–ఇరాన్ ఘర్షణలో ఇప్పుడు ప్రపంచం చూస్తోంది… ఒక్క రోజు యుద్ధం ఖర్చే(Cost of One Day of War) వేల కోట్లలో ఉంటే, దీర్ఘకాల యుద్ధం దేశాలను ఎలా ముంచేస్తుందో.డబ్బు, ఆయుధాలు, రాజకీయ స్థిరత్వం… అన్నింటినీ కలిపి చెల్లించాల్సిన ఈ ధరే అసలు యుద్ధం. చివరికి గెలిచేది ఎవరు అన్నదానికంటే… ఎంత కోల్పోయామన్నదే చరిత్ర లెక్క వేస్తుంది.
