దేశంలోనే అతిపెద్ద ప్రైవేట్ బ్యాంకుల్లో ఒకటైన హెచ్డీఎఫ్సీ తన ఖాతాదారులకు గుడ్ న్యూస్ చెప్పింది.. భారీగా వడ్డీరేట్లు తగ్గిస్తున్నట్లు వెల్లడించింది. తన డిపాజిట్లు, రుణాలపై వడ్డీ రేట్లను గణనీయంగా తగ్గించింది. తాజాగా ఆర్థిక పరిస్థితులు, మార్కెట్ డిమాండ్, రిజర్వ్ బ్యాంక్ మార్గదర్శకాలు దృష్టిలో ఉంచుకుని ఈ నిర్ణయం తీసుకున్నట్లు బ్యాంకు ప్రకటించింది. తగ్గించిన ఈ రేట్టు అక్టోబరు 10 నుంచి అమలులోకి రానున్నట్లు తెలిపింది.
తగ్గింపులు ఇలా.. Here Are the Details of the Reductions…
– MCLR (Marginal Cost of Funds-based Lending Rate) అనేది బ్యాంకులు తమ రుణాలపై నిర్ణయించే కనీస వడ్డీ రేటు.ఈ రేటు ఆధారంగా బ్యాంకులు హోమ్ లోన్స్, వాహన రుణాలు, పర్సనల్ లోన్స్ వంటి రుణాలపై వడ్డీని నిర్ణయిస్తాయి.
– స్థిర డిపాజిట్ల (FDs) పై వడ్డీ రేట్లలో 0.25% నుండి 0.50% వరకు తగ్గింపులు అమలులోకి వచ్చాయి. ముఖ్యంగా 1 నుండి 2 సంవత్సరాల వ్యవధి గల డిపాజిట్లపై వడ్డీ రేటు 7.10% నుండి 6.60%కు తగ్గించబడింది. వృద్ధులకు మాత్రం అదనంగా 0.50% బోనస్ వడ్డీ కొనసాగనుంది.
– ఇక హోమ్ లోన్స్, పర్సనల్ లోన్స్ వంటి రుణాల వడ్డీ రేట్లను కూడా బ్యాంకు తగ్గించింది. ప్రస్తుత మార్కెట్ పరిస్థితుల్లో వినియోగదారులపై భారం తగ్గించడమే లక్ష్యంగా ఈ నిర్ణయం తీసుకున్నట్లు హెచ్డీఎఫ్సీ బ్యాంకు వెల్లడించింది.
– హోమ్ లోన్స్, పర్సనల్ లోన్స్, వాహన రుణాలు – వడ్డీ రేట్లలో స్వల్ప తగ్గింపు ఉంటుంది. EMI భారం కొంత తగ్గే అవకాశం
పెట్టుబడులు పెరిగే అవకాశం..Opportunity for Increased Investments…
వడ్డీ రేట్ల తగ్గింపు వల్ల రుణాల డిమాండ్ పెరిగే అవకాశం ఉంది. అదే సమయంలో డిపాజిట్లలో పెట్టుబడులు తగ్గే అవకాశం కూడా ఉందని నిపుణులు అభిప్రాయపడుతున్నారు. కాగా కొత్త వడ్డీ రేట్లు తక్షణమే అమలులోకి వస్తుండగా.. కొత్త FDలు పెట్టే వారు తాజా రేట్లను పరిశీలించాలి.
ఎవరికి లాభం? Who Will Benefit?
– ఫ్లోటింగ్ రేట్ రుణాలు తీసుకున్నవారికి ఈ తగ్గింపు లాభం చేకూరుస్తుంది
– EMIలు కొంత తగ్గే అవకాశం ఉంది
– కొత్త రుణాలు తీసుకునే వారికి అనుకూల పరిస్థితులు
హోమ్ లోన్పై లాభం ఎంతంటే?
How Much Will You Save on Home Loans?
ఉదాహరణకు ₹50 లక్షల హోమ్ లోన్.. 20 సంవత్సరాల కాలపరిమితి ఉంటే 9.10% వడ్డీ బదులు 9.00% వడ్డీ పడుతుంది. ప్రతినెలా EMI దాదాపు ₹350 నుండి ₹400 వరకు తగ్గుతుంది. మొత్తం కాలానికి దాదాపు ₹80,000 – ₹90,000 వరకు సేవ్ అయ్యే అవకాశం ఉంది. EMIలు తగ్గిన తర్వాత ఖాతాదారులు కొత్త షెడ్యూల్ను చెక్ చే సుకోవాలి. బ్యాంకుతో వడ్డీ రేట్ రివ్యూ కోరవచ్చు. ఇతర బ్యాంకులతో పోల్చి రీఫైనాన్స్ ఆప్షన్ పరిశీలించాలి.
వాహన, పర్సనల్ రుణాలపై ..On Vehicle and Personal Loans…
వాహన రుణం ₹10 లక్షలు అయితే EMI దాదాపు ₹70 – ₹90 వరకు తగ్గే అవకాశం ఉంది. పర్సనల్ రుణాలపై కూడా స్వల్ప ఉపశమనం కలుగుతుంది. ఈ తగ్గింపులు తాత్కాలికంగా అయినా వినియోగదారులకు ఉపశమనం కలిగిస్తాయి. భవిష్యత్తులో RBI రేట్లు తగ్గిస్తే, మరింత లాభం చేకూరుతుందని నిపుణులు చెబుతున్నారు.
మిగిలిన బ్యాంకుల పరిస్థితి ఏంటి? What’s the Situation with Other Banks?
హెచ్డీఎఫ్సీ బ్యాంకు తాజాగా ఎంసీఎల్ఆర్ (MCLR) రేట్లు తగ్గించి రుణగ్రహీతలకు ఊరట కల్పించగా, ఇప్పుడు అందరి దృష్టి ఇతర ప్రధాన బ్యాంకులపై పడింది. వడ్డీ రేట్లలో మార్పులు చేయాలా? లేక ప్రస్తుత స్థాయిలోనే కొనసాగించాలా? అనే అంశంపై ప్రభుత్వ రంగ, ప్రైవేట్ బ్యాంకులు సమీక్ష జరుపుతున్నాయి. ఏదేమైనా హెచ్డీఎఫ్సీ నిర్ణయం మార్కెట్కి సిగ్నల్. త్వరలో మిగిలిన బ్యాంకులు కూడా వడ్డీ రేట్లలో సవరణ చేయవచ్చు.
స్టేట్ బ్యాంక్ ఆఫ్ ఇండియా (SBI)
దేశంలోనే అతిపెద్ద బ్యాంకు అయిన ఎస్బిఐ, ఇప్పటికే వడ్డీ రేట్లపై సమీక్ష చేపట్టింది. ప్రస్తుతం 1 సంవత్సరం MCLR – 8.95% వద్ద కొనసాగుతోంది. మార్కెట్ పరిస్థితులు, RBI పాలసీ దృష్ట్యా త్వరలో 0.05% – 0.10% వరకు తగ్గించే అవకాశం ఉందని వర్గాలు చెబుతున్నాయి.
ఐసీఐసీఐ బ్యాంకు (ICICI Bank…)
ప్రస్తుతం ఐసీఐసీఐ బ్యాంకు 1 Year MCLR – 9.00%గా ఉంది. హెచ్డీఎఫ్సీ తీసుకున్న నిర్ణయం నేపథ్యంలో, కాంపిటీషన్ దృష్ట్యా వడ్డీ రేట్లు తగ్గించే అవకాశం ఉంది.
ఆక్సిస్ బ్యాంకు (Axis Bank…)
ప్రస్తుతం ఆక్సిస్ బ్యాంకు 1 Year MCLR – 9.05%గా ఉంది. మార్కెట్లో డిమాండ్ తగ్గుతుండటంతో, స్వల్ప సవరణ చేసే అవకాశముందని అంచనా.
పబ్లిక్ రంగ బ్యాంకులు (Public Sector Banks…)
పంజాబ్ నేషనల్ బ్యాంకు, బ్యాంక్ ఆఫ్ బరోడా, కానరా బ్యాంక్ వంటి ప్రభుత్వ రంగ బ్యాంకులు కూడా వడ్డీ రేట్ల సమీక్షలో నిమగ్నమయ్యాయి. వీటిలో చాలా బ్యాంకులు అక్టోబర్ మధ్యలో నిర్ణయం తీసుకునే అవకాశం ఉంది.
ఎందుకు ఆలస్యమంటే ? Why the Delay?
– RBI రిపో రేట్లో మార్పు లేకపోవడం
– డిపాజిట్ రేట్లపై ఒత్తిడి కొనసాగడం
– రుణాల డిమాండ్ తగ్గిపోవడంతో జాగ్రత్తగా వ్యవహరిస్తున్న బ్యాంకులు
