చాలా తక్కువ ధరల్లో ట్రేడవుతూ, తక్కువ స్థాయి మార్కెట్ క్యాపిటలైజేషన్ ఉండే షేర్లను పెన్నీ స్టాక్స్ అంటారు. చ‌వ‌క‌గా ఉండ‌డంతో ఆక‌ర్ష‌ణీయంగా క‌నిపిస్తాయి. ఈ కంపెనీలు భ‌విష్య‌త్తులో ఎక్క‌డికో వెళ్లిపోతాయ‌నే అంచ‌నాతో చాలా మంది ఇన్వెస్ట్ చేస్తారు. త‌క్కువ డ‌బ్బుతో ఎక్కువ షేర్లు వ‌స్తుండ‌డంతో రిటైల‌ర్ల ఆసక్తి వీటిపై పెరుగుతుంది. అయితే ఇది చాలా రిస్క్‌తో కూడుకున్న వ్య‌వ‌హారం. అయితే ఏది పెన్నీ స్టాకో, ఏది ముంచే స్టాకో తెలుసుకోవాల్సిన అవ‌స‌రం చాలా ఉంది.

high risk and high profit

పెన్నీ స్టాక్స్ కదలిక వచ్చిందంటే అమాంతంగా షేర్ ధర పెరిగిపోతుంది. లేదా ఒక్కసారిగా కింద‌కు దిగుపోతుంది. చాలా రిస్క్ తో కూడికున్న ఈ పెన్నీ స్టాక్స్ ఇచ్చే లాభాలు కూడా ఎక్కువగానే ఉంటాయి. ఈ షేర్లు ఒక్కరోజులోనే 20 శాతం వరకు పెరగగలవు. మన పెట్టుబడిని 1 సంవత్సరంలో 10 రెట్లు చెయ్యగలవు. కాని ఎక్కువ షేర్ ప్రైస్ కలిగి ఉండి ఫండమెంటల్స్ బలంగా ఉండి మార్కెట్ క్యాపిటలైజేన్ కొన్ని వేలకోట్ల ఉండే కంపెనీలు ఎన్ని సంవత్సరాలైన మన పెట్టుబడిని 10 రెట్లు అవుతాయని చెప్పలేవు. కాని ఈ పెన్నీ స్టాక్స్ లో రిస్క్ ఎక్కువ, లాభాలు కూడా ఎక్కువ.

select high volume stocks

హై వాల్యూమ్ స్టాక్స్ ను చూడండి
* High Volume లో ట్రేడ్ అవుతున్న కంపెనీలను మాత్రమే కొనాలి. Low volume లో ట్రేడ్ అవుతున్న కంపెనీలను ఎప్పుడూ కొనకూడదు.
* Low volume లో ట్రేడ్ అవుతున్న షేర్లను అమ్మడం కష్టమవుతుంది. మ‌నం అమ్మాల‌నుకున్న‌ప్పుడు ఆ షేర్ల‌ను కొన‌డానికి అటువైపు ఎక్కువ‌మంది బ‌య్య‌ర్స్ ఉండరు. అందువలన volume ఎక్కువ‌గా ఉన్న షేర్లను మాత్రమే కొనాలి.
* చాలా వెబ్ సైట్ లో ఈ పెన్నీ స్టాక్స్ ద్వారా కోటీశ్వరులు అయిన వ్యక్తుల గురించి చెబుతుంటారు. కానీ అవన్నీ మనం నమ్మకూడదు. ఎందుకంటే వేలల్లో ఒకరే ఇలా సక్సెస్ అవుతారు.

త‌ప్పుడు వార్త‌లు, మెసేజ్‌లు న‌మ్మ‌వ‌ద్దు
కొన్ని పెన్నీ స్టాక్స్ తక్కువ వాల్యూమ్ కలిగి ఉండడం వలన కొంతమంది బ్రోకర్స్, ప్రమోటర్స్ చాలా సులభంగా ఇన్వెస్టర్స్ ని మోసం చేస్తుంటారు.
ఈ బ్రోకర్స్ తక్కువ రేటు దగ్గర ఈ స్టాక్స్ ని కొంటారు. తర్వాత వారు ఆ కంపెనీ సంబంధించి ఫేక్ న్యూస్ ను మార్కెట్లోకి రిలీజ్ చేస్తారు. ఎలా అంటే ఆ కంపెనీ అత్యధిక లాభాలు అందిస్తుందని కొన్ని వార్తలను విడుదల చేస్తారు. ఇలాంటి వార్తలు విని చాలామంది మ‌న‌లాంటి చిన్న ఇన్వెస్టర్లు ఆ కంపెనీలలో పెట్టుబ‌డి పెడ‌తారు. అప్పుడు షేర్ ధర అమాంతంగా పెరిగిపోతుంది. అలాంటపుడు ఆ బ్రోకర్స్ ఎక్కువ ధర దగ్గర ఆ షేర్లను అమ్ముకుంటారు. దానితో షేర్ ధర ఒక్కసారిగా కుప్పకూలిపోతుంది. కాని అధిక ధర దగ్గర కొన్న మ‌న‌లాంటి చిన్న, చిన్న ఇన్వెస్టర్స్ నష్టపోతారు. దీనినే ట్రాప్ అంటారు. మ‌నం అందులో ఇరుక్కుపోయిన‌ట్టే.

వెంట‌నే అమ్మేయండి..
ఈ పెన్నీ స్టాక్స్ లో మనం 20 శాతం, 30 శాతం లాభాలు సులభంగా పొందవచ్చు. మనకి లాభాలు వస్తే వెంటనే అమ్మివేసి ప్రాఫిట్ బుక్ చేసుకోవ‌డం మంచిది.
* మనం ఏ కంపెనీకి కూడా మానసికంగా దగ్గరవకూడదు. కొంతమంది ఒక కంపెనీలో ఇన్వెస్ట్ చేసి లాభాలను పొందుతారు. ఒక వేళ ఆ కంపెనీ షేర్ ప్రైస్ తగ్గినా మళ్ళీ పెరుగుతుందని ఆ లాభాలను అందుకోకుండా ఉంటారు. ఇది కూడా చాలా ప్రమాదం.

Leave a Reply

Your email address will not be published. Required fields are marked *