ట్రేడింగ్ లో కొన్ని ప్రాథ‌మిక విష‌యాల‌ను మ‌నం త‌ప్ప‌కుండా తెలుసుకోవాలి. కొన్నింటికి దూరంగా ఉండాలి. అప్పుడే మ‌నం లాభాల‌ను పొంద‌గ‌లం. ఇంట్రాడేలో ఆ రోజు ఏ స్టాక్ కొనాలి.. ఎన్ని షేర్లు కొనాలి అనేది ముందుగానే మ‌నం ప్లాన్ చేసుకోవాలి. మార్కెట్ ఓపెన్ అయ్యాక నిర్ణ‌యాలు తీసుకుంటే గంద‌ర‌గోళానికి గురై న‌ష్ట‌పోయే అవ‌కాశం ఉంటుంది.

* ఓవర్ ట్రేడింగ్
ట్రేడింగ్ చేసేట‌ప్ప‌డు రోజుకి ఒక పరిమితి అనేది పెట్టుకోవాలి. ఒక లక్ష రూపాయిలు పెట్టుబడితో పొజిష‌న్ తీసుకున్నామ‌నుకుంటే లాస్ లో అయితే 5వేలు వరకు వేచి చూడండి. అదే లాభంలో అయితే 10 వేలు వ‌ర‌కు తీసుకుని ఎగ్జిట్ కండి. దీనిలో ఏది మొదటగా హిట్ అయితే దాని నుంచి బయటకు వచ్చేయండి.

* ఏవరేజింగ్‌
ట్రేడింగ్‌లో ఏవరేజ్ పద్ధ‌తిని అనుసరించకూడదు. ఒక షేర్‌ని 1000 రూపాయ‌లకు కొన్నాక అది త‌గ్గుతూ 990,980 అలా తగ్గుతూ వ‌స్తుంటే ఇంకా కొన‌డం.. పెరుగుతూ వెయ్యికి చేరుతుంద‌ని ఎదురుచూడ‌డం స‌రికాదు. ఇలా చేయ‌డాన్నే ఏవ‌రేజింగ్ అంటారు. ఆ స‌మ‌యంలో వేరే స్టాక్ ని ప‌రిశీలించి దానిపైన ట్రేడ్ చేయొచ్చు. ఎటువంటి పరిస్థితుల్లో ఏవరేజ్ చేయకూడదు.

* పొజిషన్ లిమిట్ లో ఉండాలి
ఒకే స్టాక్ లో ఎక్కువ షేర్లు కొన‌కూడ‌దు. డైవ‌ర్సిఫై చేస్తూ వేర్వేరు స్టాక్‌ల‌లో పెడితే న‌ష్టం త‌గ్గే అవ‌కాశం ఉంటుంది. ఎక్కువ ఫ్రాఫిట్ పైన గురి పెట్ట‌కూడ‌దు. కొంత లాభం వ‌చ్చాక తీసుకోవ‌డం మంచిది. ఇంకా ఎక్కువ ఆశ పడితే నష్టపోతారు. అందుచేత ఈ సైకాలజీని మీరు అర్థం చేసుకోవాలి.

* స్టాప్ లాస్ పెట్టడం
చాలా మంది ఇష్ట‌ప‌డ‌ని ఒక ప‌ద్ధ‌తి ఇది. ఎందుకంటే నష్టంలోనే ఎందుకు అమ్మాలి. లాభంలో అమ్ముదాం. ఇప్పుడు కాకపోతే కొన్ని రోజులు తర్వాత అమ్ముదాం అని చాలామంది ఎదురుచూస్తుంటారు. వీరంతా న‌ష్టాల‌ను మూట‌గట్టుకున్న వాళ్లే. చార్ట్స్ ను చూసి ట్రేడ్ చేయాలి. అంతేకానీ తొందరపడి ట్రేడ్ చేయకూడదు.

Leave a Reply

Your email address will not be published. Required fields are marked *