is it necessary to have a car

* ఆదాయానికి త‌గ్గ‌ట్టుగానే కార్‌
* బడ్జెట్, న‌ష్టాల‌ను ప‌రిశీలించే నిర్ణ‌యం

మ‌న‌లో చాలా మంది కొత్త ఉద్యోగం రాగానే, లేదా చిన్న వ్యాపారం మొద‌లుపెట్ట‌గానే కారు కొనాల‌ని ప్ర‌య‌త్నిస్తారు. వీలైనంత ఖ‌రీదైన‌ది, న‌లుగురిలో గొప్ప‌గా అనిపించే కారును తీసుకుంటారు. బ్యాంకులోన్ వాడి జీతంలో అధిక భాగం ఈఎంఐ కోసం కేటాయించి కారు న‌డుపుతారు. అయితే ఇది ఎంత వ‌ర‌కు స‌రైన నిర్ణ‌యం అనేది ఓ సారి స‌మీక్షిద్దాం.

what are the disadvantages of having a car

న‌ష్టాలెన్నో..
మ‌న ఆదాయం మొద‌లుకాగానే కారు కొనాల‌నుకోవ‌డం పొర‌పాటే అవుతుంది. కారు అనేది మ‌న ప్రాధాన్యాల్లో మూడో లేదా నాలుగో స్థానంలో ఉండాలి. ఎందుకంటే అంత‌క‌న్నా ముఖ్య‌మైనవి కొన్ని ఉన్నాయనే విష‌యాన్ని గుర్తించాలి. మొద‌ట్లోనే మీరు కారు కొంటే ఆదాయంలో ఆదా చేయ‌డానికి, పెట్టుబ‌డులు పెట్ట‌డానికి, ఆస్తులు కూడ‌బెట్ట‌డానికి అవ‌కాశం ఉండ‌దు.
* పొదుపు చేయ‌డం, ఇన్వెస్ట్‌మెంట్ మొద‌లుపెట్ట‌డం, ఇళ్లు కొనుక్కోవ‌డం అనే వాటికి ముందుగా ప్రాధాన్యం ఇవ్వాలి. ఎందుకంటే ఇవి ఆస్తుల‌వుతాయి. అంటే వీటి నుంచి మ‌న‌కి ఆదాయం వ‌స్తుంది.
* కారు అనేది ల‌గ్జ‌రీ. అంటే దీనినుంచి మ‌న‌కు ఆదాయం రాక‌పోగా దీనిపై మ‌నం తిరిగి ప్ర‌తినెలా, ప్ర‌తి సంవ‌త్స‌రం ఖ‌ర్చు చేస్తూ ఉండాలి. ఎంత ఖ‌రీదైన కారు కొంటే అంత ఎక్కువ‌గా మెంటెనెన్స్ చార్జీలు ఉంటాయన్న విష‌యం మ‌ర‌వొద్దు.
* మనం కారు కొనేముందు ఆలోచించుకోవలిసినది మన బడ్జెట్. ఈ విషయంలో మనకి కొంత క్లారిటీ ఉండాలి. మన ఆర్థిక స్థోమతు ప్రకారం మన కారు కొనాలనుకున్నప్పుడు మన సంవత్సర ఆదాయం దాటి ఖర్చు చేయకూడదు. ఎందుకంటే కారు విలువ రోజురోజుకీ తగ్గిపోతూ ఉంటుంది. అదేమిటంటే కేవలం కారు కొనుక్కుంటే సరిపోదు. దానిని ఖచ్చితంగా మనం మెంటైన్ చేయాలి. కాబట్టి మనం ఎక్కువ ఖర్చుపెట్టి కారు కొంటే, దానికి సర్వీసు చేయాలి కాబట్టి ఇంకా ఎక్కువ ఖర్చు అవుతుంది.
* పెరుగుతున్న ఇంధ‌న ధ‌ర‌లు, ఇన్సూరెన్స్, ట్యాక్స్‌, డ్రైవ‌ర్‌, మెంటెన‌న్స్‌, పార్కింగ్ ఫీజులు ఇవ‌న్నీ మ‌న‌పై అధ‌న‌పు భారం మోపుతాయి.

when should you take a car

ఇలా ఉంటేనే కారు..
* మనం కారు కోసం ఖర్చు చేయవలిసిన డబ్బు మన సంవత్సర ఆదాయం దాటి ఉండకూడదు. అంటే సంవ‌త్స‌ర ఆదాయం ఆరు ల‌క్ష‌ల రూపాయ‌లు అనుకుంటే మీరు కొనాల‌నుకున్న కారు అంత‌క‌న్నా త‌క్క‌వ ధ‌ర ఉండేలా చూసుకోవాలి.
* మనకారు లోన్ ఈఎమ్ఐ మన నెలజీతంలో 10 శాతం కన్నాతక్కువ‌గా ఉండాలి. అంటే మీకు 50 వేలు జీతం వ‌స్తుంటే మీ కార్ లోన్ ఈఎంఐ నెల‌కు రూ. 5వేలు మాత్ర‌మే ఉండాలి. అంత కంటే ఎక్కువ ఉండ‌కూడ‌దు.
* కారు మనకి ఆస్తి కాదు. అది డిప్రీసియేటింగ్ అసెట్‌. అంటే విలువ త‌గ్గే వ‌స్తువు. రోజురోజుకి దీని విలువ తగ్గుతుంది, కాని పెరగదు. అంటే కారుపై మీరు పెట్టే డ‌బ్బు వృథా అయినట్టే లెక్క‌.
* చాలామంది ఏ అసెట్స్ కొనకుండానే కారును కొంటారు. అలా చేయకూడదు.
* అద‌న‌పు ఆదాయ మార్గాలు త‌యారు చేసుకుని కారు కొనుక్కుంటే న‌ష్ట‌పోవాల్సి ఉండ‌దు.

Leave a Reply

Your email address will not be published. Required fields are marked *